ΑΡΧΑΓΓΕΛΟΙ ΜΙΧΑΗΛ ΚΑΙ ΓΑΒΡΙΗΛ: Χαιρετισμοί Εις τους ϑείους ‘Αρχαγγέλους αρχαίοι, επιϑεωρήϑέντες και πάνυ καλώς εσχάτως διορϑωϑέντες τη φιλοπόνω χειρί, και τω σοφώ καλάμω του εν διδασκάλοις αρίστου και αοιδίμου πατρός Κυρίου Νικοδήμου του Ναξίου
Κοντάκιον Ήχος πλ. δ΄. Τή Υπερμάχω.
Τούς Αρχαγγέλους τής Τριάδος ευφυμήσωμεν, Τόν Μιχαήλ καί Γαβριήλ, πάντες φιλέορτοι, Οι σκεπόμενοι ταίς πτέρυξιν αμφοτέρων, καί δεινών παντοδαπών απολυτρούμενοι, τώ μέν κράζοντες Χαίρε νόμου διάκονε Τώ δέ λέγοντες Χαίρε χάριτος Αγγελε.
Αγγελος ταγματάρχης τών αύλων Αγγέλων, εκτίσθης πρός Θεού πανταιτίου, εν σιγή νοερά, Μιχαήλ, φωτός εκ τού πρώτου, φώς όντως δεύτερον δι’ όσοι. αγαλλόμενος, εφύμνια φωνώ τοιαύτα
Χαίρε, νοός κοσμογόνου χτίσμα.
Χαίρε, φωτός πρωτοφότου χύμα.
Χαίρε, παραστάτα θεότητος πύρινε.
Χαίρε, τής Τριάδος λειτουργέ ακάματε.
Χαίρε, πνεύμα θεοείκελον, άύλον περιφλεγές.
Χαίρε, ζώον τό αθάνατον Θεού υμνολογικόν.
Χαίρε, τού εμπυρίνου ουρανού προστατεύων
Χαίρε, τού διακόσμου νοητού ο εξάρχων.
Χαίρε, φωστήρ ευγνωμόνων τάξεων.
Χαίρε, πρηστήρ αχαρίστου πνεύματος.
Χαίρε, δι ού ή φύσις Αγγέλων έστη.
Χαίρε, δι ού ο σατάν κατεβλήθη.
Χαίρε νόμε διάκονε.
Βλέπων τούς αχαρίστους επαρθέντας Αγγέλοος, καί πίπτοντας εκ τού εμπυρίνου ουρανού, ώ θείε Μιχαήλ, ως ευγνώμων δούλος στάς ανεβόησας Στώμεν καλώς καί πρόσχωμεν, άδοντες τή Τριάδι ύμνον
Αλληλούϊα.
Γνώσεων αποκρύφων, καί βουλών τού υψίστου εφάνης, Γαβριήλ, μυστηπόλος, τών μελλόντων πρόγνωσιν δηλών, καί χαράς ευαγγέλια εισηγούμενος βροτοίς, δι ό επείγομαι, τοιάδε χελαδείν σοι πόθω
Χαίρε, φωτός αγνώστου δίοπτρα
Χαίρε, Θεού μεστηρίων μύστα.
Χαίρε, αποκρύφων βουλών τηλεσκόπιον
Χαίρε, τών αρρήτων Θεού μυκτήριον.
Χαίρε, γνώσιν κρυφιόμυστον ελλαμπόμενος νοΐ
Χαίρε, ταύτην ομυούμενος τούς άνθρώπους εν φώτί.
Χαίρε, ευαγγελίων θείων ό υπηρέτης
Χαίρε, χαροπαρόχων πραγμάτων ό υποφήτης.
Χαίρε, πολλών αδήλων ή δήλωσις
Χαίρε, συχνών μελλόντων ή πρόγνωσις.
Χαίρε, δι ού ή χαρά εισωκίσθη
Χαίρε, δι ού ή λύπη εξωκίσθη.
Χαίρε χάριτος Άγγελε.
Δανιήλ τώ Προφήτη, υπέρ πάντας Προφήτας εδήλωσας μυστήριον ξένον ελεύσεως Χριστού τής φρικτής καί οικονομίας, Γαβριήλ μέγιστε, καί τούτον εσυνέτισας Θεώ, σύν ευθυμία ψάλλειν
Αλληλούϊα.
Έχων επωνυμίαν, Μιχαήλ θείε νόε, δυνάμεως Θεού, ανεδείχθης, δυνατός εν πολέμοις αεί, καί Ιαχώβ εν τή πάλη ενίσχυσας, νικών έθνη αλλόφυλα δι όσου δύναμιν γεραίρω
Χαίρε, πυρός δραστήριε μάλλον.
Χαίρε, φλογός οξύτερος πέλων.
Χαίρε, Αιγυπτίων ποντίσας στρατεύματα.
Χαίρε, χαναναίων τροπώσας συστήματα.
Χαίρε, ότι εδυνάμωσας Μωύσήν καί Ααρών.
Χαίρε, ότι ενεθάρρυνας Ιησούν τόν τού Ναυή.
Χαίρε, τών Ασσυρίων στρατιάν ό συγκόψας.
Χαίρε, τών Αμορραίων τόν Σηών ό πατάξας.
Χαίρε, τού Ώγ τής Βασάν αναίρεσις.
Χαίρε, νεκρού Μωσέως ή λύτρωσις.
Χαίρε, δι ού ασεβείς εκπορθούνται.
Χαίρε, δι ού ευσεβείς ανυψούνται.
Χαίρε νόμου διάκονε.
Ζήν ημάς εναρέτως, Μιχαήλ Αγγελάρχα, δυσώπησον ΙΘεόν σαίς προσβείαις, τούς τήν σύνταξίν σου τήν σεπτήν πόθου τελούντας, καί καταξίωσον, ζωής τυχόντας κρείτονος, σύν σοί Θεώ τόν ύμνον ψάλλειν
Αλληλούϊα.
Ήλθες εκ τού υψίστου, Γαβριήλ θείε νόε, χαράς ευαγγέλια φέρων, πρός τήν Άνναν καί Ιωακείμ, καί λύων τήν τούτων άγονον στείρωσιν δι όσοι ευφραινόμενοι εκ πίστεως αναβοώμεν
Χαίρε, καλών αγγελιαφόρε
Χαίρε, στειρών χαρά τεκνοφόρε.
Χαίρε, τών ακάρπων δεόσδοτος καρπωσίς
Χαίρε, τών ατέκνων θεάρεστος τέκνωσις.
Χαίρε, ότι τώ θεοπράτορι γόνον ήνεγκσς σέπτον
Χαίρε, ότι τή θεοπρομήτορι γαστρός δέδωκας καρπόν
Χαίρε, τής απαιδίας τά δεσμά διαλύων
Χαίρε, τών γεννωμένων τήν χάριν προμηνυων.
Χαίρε, πολλών πατέρων ή καύχησις.
Χαίρε, καλών μητέρων παράκλησις.
Χαίρε, δι ού βροτών αύξεται γένος.
Χαίρε, δι’ ού προαγγέλλεται γόνος.
Χαίρε χάριτος Αγγελε.
Θεοτόκου Μαρίας τής τού κόσμου κυρίας ελθούσης εν ναώ τού Κυρίου, απεστάλης σύ, ώ Γαβριήλ, κομίζων προθύμως τροφήν ουράνιον, καί διεγείρων πάντοτε ταύτην Θεώ κραυγάζειν ούτως
Αλληλούϊα.
Ικέτας γενομένους τώ Θεώ ταξιάρχα, πρόπατορας τούς πάλαι ερρύσω εκ πολλών κακών, ώ Μιχαήλ καί του Ιουδαίου λαού γεγένησε, αεί προπορευόμενος δι όσοι προσφωνώ τοιαύτα
Χαίρε, σφαγής Ισαάκ λυτρώσας
Χαίρε, χαράς Αβραάμ πληρώσας.
Χαίρε, του διψώντος Ισμαήλ ή ανάψυξις.
Χαίρε, τής κλαιούσης Άγαρ ξένη παράκλησις.
Χαίρε, στύλος ό περίμορφος οδηγών τόν Ισραηλ
Χαίρε, νέφος χρυσοσύνθετον τούτον σκέπον εν οδώ,
Χαίρε, ο διασώσας πρωτότοκα Εβραίων.
Χαίρε, ό αποκτείνας πρωτότοκα Αιγύπτου.
Χαίρε, λαμπρόν Ιουδαίων καύχημα.
Χαίρε, στερρόν τού νόμου περίφραγμα.
Χαίρε, λαόν εξ Αιγύπτου εξάξας.
Χαίρε, εις γήν καλήν τούτον εισάξας.
Χαίρε. νόμου διάκονε.
Καταβάς εν τώ όρει τώ Σινά Θεός μέγας, καί μέλλων νόμον δούναι Εβραίοις, διά διακονίας τής σής καί μεσιτείας, Μιχαήλ μέγιστε, τούτον Μωσή λελάληκε καί εδίδαξε μέλπειν ούτως
Αλληλούϊα.
Λύτρωσον εξαιτούντι καί λαού σωτηρίαν ποτέ τώ ίερώ Ζαχαρία εν ναώ Θεού, ώ Γαβριήλ, εμύνησας θείου Προδρόμου γέννησιν δι’ όσου εξιστάμενος τά ευαγγέλια κραυγάζω
Χαίρε, βροτών μείζονα μηνύσας
Χαίρε, ποτρός τόν Αγγελον δείξας.
Χαίρε, Ζαχαρίου τερπνότατον λάλημα
Χαίρε, Έλισάβετ γλυκύτατον άκουσμα.
Χαίρε, ότι ευηγγέλισας τόν βαπτιστήν τού Χριστού
Χαίρε, ότι προκατήγγειλας τόν δεύτερον Ηλιού.
Χαίρε, τής μετανοίας τού κήρυκος ό κήρυξ
Χαίρε, φωτός τού λύχνου ή πανεύηχος σάλπιγξ.
Χαίρε, αρχής τής χάριτος φώνημα
Χαίρε, αυγής ημέρας τό μύνημα.
Χαίρε, βαλβίς τής βροτών σωτηρίας
Χαίρε, κρηπίς ουρανών βασιλείας.
Χαίρε χάριτος Αγγελε.
Μέλλων ό Θεός λόγος δι ημάς σαρκωθήναι, σοί μόνω τό μυστήριον τούτο ενεθάρρυσεν, ώ Γαβριήλ, καί σέ ύπηρέτην τούτου προέκρινε, τό θαύμα λογιζόμενον καθ’ έαύτόν, καί ψάλλοντα ούτως
Άλληλούϊα.
Νεανίας τρείς πάλαι εκ φλογός τής καμίνου ερρύσω, Μιχαήλ ταγματάρχα, εν αυτή φανείς διαπρεπής, τώ είδι λαμπρός τε καί θεοκείλος, ως εξίστασθαι τύραννον τώ Θαύματι δι’ ό βοώσοι
Χαίρε, πυρός ακαμάτου σβέσις
Χαίρε, φλογός αειζώου ψύξις.
Χαίρε, τών παρθένων παίδων απολύτρωσις
Χαίρε, τών ασπίλων σωμάτων ή φύλαξις.
Χαίρε, ότι σύ εξέπληξας τόν τύραννον σή μορφή
Χαίρε, ότι σύ ενίσχυσας τόν προφήτην Δανιήλ.
Χαίρε, ό τόν προφήτην Αββακούμ εξαρπάσας
Χαίρε, εις Βαβυλώνα τούτον ταχυκομίσας.
Χαίρε, στερρόν Γεδεών εκνίκημα
Χαίρε, λαμπρόν τού Μαδιάμ. ήττημα.
Χαίρε, δι’ ού βασιλείς δυναμούνται
Χ δι ού τύραννοι εκπτοούνται.
Χαίρε νόμου διάκονε.
Ξένον θαύμα ιδόντες, Βαλαάμ τε ό μάντις, καί ύστερον Δαβίδ ό προφήτης, σέ ώ θείε Μιχαήλ, ταχέως πεσόντες, σοί προσεκύνησαν ό μέν φόβω δεσμούμενος, ό δέ Θεώ κραυγάζων ούτως
Αλληλούϊα.
Όλός αστραπηφόρος, όλος ηγλαϊσμένος, καί όλος χαριέστατος ήλθε ς πρός τήν Κεχάριτωμένη Γαβριήλ, τής χαράς κομίσων τά ευαγγέλια δι όσου καί γαννύμενος χαιρετισμώ σε χαιρετίζω
Χαίρε, χαράς αλήκτου ό κήρυξ.
Χαίρε, αράς τής πάλαι ό πέλυξ.
Χαίρε, πεπτωκότος Αδάμ η ανόρθωσις.
Χαίρε, αθυμίας τής Εύας παράκλησις.
Χαίρε λόγου ενσαρκώσεως υψηγόρε ερμηνεύ.
Χαίρε, Θεού καταβάσεως ένδοξε μυσταγωγέ.
Χαίρε, ό χαίρων Χαίρε χαριτωθείση λέξας.
Χαίρε, ό λύπην πάσαν τή Χαίρε διαλύσας.
Χαίρε, αστήρ μηνύσας τόν ήλιον.
Χαίρε, φωστήρ φώς δείξας απρόσιτον.
Χαίρε, δι ού ο κόσμος εφωτίσθη.
Χαίρε, δι’ ού τό σκότος ηφανίσθη.
Χαίρε, χάριτος Άγγελε.
Ποιμέσιν αγραυλούσι γέννησιν τού σωτήρος εμήνυσας, Γαβριήλ, χαίρων καί τούς μάγους, ως αστήρ λαμπρός, ωδήγησας τούτου εις τήν προσκύνησιν, καί πάντας εσυνέτήσας τώ γεννηθέντι κράζων ούτως
Αλληλούϊα.
Ρωμαλέος προστάτης τής νέας διαθήχης εδείχθης, Μιχαήλ φαεσφόρε καί λαού πιστών χριστιανών υπέρμαχος μέγας γνωρίζη πάντοτε, δεινών πολλών λυτρούμενος καί συγκινών αυτούς βοάν σοι
Χαίρε, λαού τού νέου τό τείχος
Χαίρε, εθνών χρυστωνύμων σθένος.
Χαίρε, Αποστόλους πολλάκις ρωσάμενος
Χαίρε, αθλοφόρους στερρούς εργασάμενος.
Χαίρε, ότι Πέτρον έσωσας εκ δεσμών καί φυλακής
Χαίρε, ότι σύ απέκτεινας τόν Ηρώδην παρευθύς.
Χαίρε, τής εκκλησίας απροσμάχητος φύλαξ
Χαίρε, αιρετιζόντων ό αμφίτομος πέλυξ.
Χαίρε, στερεόν οσίων ενίσχυμα
Χαίρε, λαπρών ίεραρχών έρεισμα.
Χαίρε, διού η πίστις εδαπλούται
Χαίρε, διού ή πλάνη εκμειούται.
Χαίρε νόμου διάκονε.
Συντελείας τού κόσμου, Μιχαήλ, γενομένης, σάλπιγγα τήν εσχάτην σαλπίσεις, υφ’ ής οι νεκροι από τής γής εγερθέντες, φόβω παρασταθήσονται τώ αδεκάστω βήματι, κράζοντες μετά σού τόν ύμνον
Αλληλούϊα.
Τάξεώς σού τό ύψος όνομα σόν εμφαίνει σαφώς, Γαβριήλ φωτοφόρε θεανθρώπου γάρ κλήσιν πλουτών, εικότος καί θεανθρώπου δέδειξαι λόγου λειτουργός άξιος δι’ ό σε καί γεραίρω ύμνοις
Χαίρε, δι ού μνήστωρ εμνήθη
Χαίρε, δι’ ού κόρη παρελήφθη.
Χαίρε, ό καλέσας Ιησού τό όνομα
Χαίρε, ομηνύσας τώ κόσμω σωτήρια.
Χαίρε, ότι εχρημάτισας τώ μνήστορι Ιωσήφ
Χαίρε, ότι εφυγάδευσας εις Αίγυπτον Ιησούν.
Χαίρε, ο εξ Αιγύπτου Χριστόν ανακαλέσας
Χαίρε, Ναζαρέτ πόλιν οίκήσαι ό μηνύσας,.
Χαίρε, πιστού μάγους μυησάμενος
Χαίρε, αυτούς Ηρώδου ρυσάμενος.
Χαίρε, δι ού Ιησούς διεσώθη
Χαίρε δι ού Ηρώδης ενεπαίχθη.
Χαίρε χάριτος Άγγελε.
Υπερθεν θείου λίθου τού ζωοδόχου τάφου καθήμενος Γαβριήλ, λευχείμων καί λάμπων ωσεί αστραπή, Χριστού τήν ανάστασιν ευηγγέλισας ταίς γυναιξί Μή κλαίετε, βοών αυταίς, καί άδων ύμνον
Αλληλούϊα.
Φώς τού κόσμου υπάρχεις, Μιχαήλ στρατάρχα, αυγάζων τών πιστών διανοίας, καί πρό θείαν γνώσιν οδηγών, καί πρός σωτηρίαν φωτίζων άπαντας, κακίας του αλάστορος ρυόμενος αυτούς βοώντας
Χαίρε, πιστών προστάτα απάντων
Χαίρε, πηγή ποικίλων θαυμάτων.
Χαίρε, τών νοσούντων αδάπανος ίασις
Χαίρε, αιχμαλώτων ταχεία ανάρρυσις.
Χαίρε, ότι επροστάτευσας Δοχειαρίου μονής
Χαίρε, ότι ταύτην έσωσας Σαρακηνών τής ορμής.
Χαίρε, τού βυθισθέντος λύτρρωσις νεανίου
Χαίρε, τού κεχρυμμένου φανέρωσις χρυσίου.
Χαίρε, πηγήν βλύσας αγιάσματος
Χαίρε, τελών θαύματα δι ύδατος.
Χαίρε, ναού Δοχειαρείου θείε κοσιμήτωρ
Χαίρε, μονής ταύτης ό αντιλήπτωρ.
Χαίρε νόμου διάκονε.
Χάριν θείαν χάριν χαρίζου, Μιχαήλ, τοίς τελούσι τήν σύναξιν τόν σήν μετά πόθου, καί εν τή εξόδω τής ζωής σε καλούσι βοηθός φάνηθι, καί εξαιρέτως φύλαξον τούς εν τή μονή σού ταύτη εκβοώντας
Αλληλούϊα.
ψάλλειν παναρμονίως τή Θεού ενσαρκώσει τερπνάς δοξολογίας μαθόντες, παρά σού, ώ θείε Γαβριήλ, σοί τά χαριστήρια πόθω ψάλλομεν, καί σέ ως αγαθάγγελον γεραίροντες, ούτω βοώμεν
Χαίρε, χαρά τών λελυπημένων
Χαίρε, φρουρέ τών κακουχομένων.
Χαίρε, πενομένων ό πλούτος ο άσυλος
Χαίρε,τών πλεόντων λιμήν ό σωτήριος.
Χαίρε, όπλον κραταιότατον βασιλέων ευσεβών
Χαίρε, καύχημα περίδοξον ιερέων ευλαβών.
Χαίρε, Δοχειαρείου τής μονής ο προστάτης
Χαίρε, ό πλοίου ταύτης θαυμαστός κυβερνήτης.
Χαίρε, τών σέ τιμώντων υπέρμαχε
Χαίρε, ψυχών νυμφαγωγέ άριστε.
Χαίρε, πιστών εκ Θεού ευλογία
Χαίρε, καλή μοναστών οδηγία.
Χαίρε χάριτος Άγγελε.
Ώ Αρχάγγελοι θείοι, Μιχαήλ Γαβριήλ τε οι θρόνω τού Θεού παρεστώτες, τά εφύμνια ταύτα ημών, ως λεπτά τής χήρας, αποδεξάμενοι, γεένης ημάς ρύσασθαι, ίνα σύν ημίν ψάλλωμεν
Αλληλούϊα.
Είτα πάλιν τό Κοντάκιον. Τή υπερμάχω,
Τούς Αρχαγγέλους τής Τριάδος ευφυμήσωμεν, Τόν Μιχαήλ καί Γαβριήλ, πάντες φιλέορτοι, Οι σκεπόμενοι ταίς πτέρυξιν αμφοτέρων, καί δεινών παντοδαπών απολυτρούμενοι, τώ μέν κράζοντες Χαίρε νόμου διάκονε. Τώ δέ λέγοντες
Χαίρε χάριτος Αγγελε.
Ετεροι Χαιρετισμοί εις τους Παμέγγιστους Ταξιάρχας Μιχαήλ και Γαβριήλ Ποίημα Γερασίμου Μοναχού Μικραγιαννανίτου
Χαιρετισμοί εις τους Παμέγγιστους Ταξιάρχας Μιχαήλ και Γαβριήλ
Ποίημα Γερασίμου Μοναχού Μικραγιαννανίτου
Κοντάκιον. Ήχος πλ. δ. Τή υπερμάχω.
Τών ουρανίων στρατιών ως προεξάρχοντες ο Μιχαήλ καί Γαβριήλ οι αρχιστράτηγοι,οι τώ θρόνω παρεστώτες τής θείας δόξης,τών παγίδων τού δολίου Πολεμήτορος εκλυτρούσθε προστασίαις υμών πάντοτε τούς κραυγάζοντας Χαίροις, ζεύγος ασώματον.
Άρχων καί στρατηγέτης στρατιών ουρανίων εδείχθης, Μιχαήλ φωτοφόρε, (γ) καί σύν τοίς τών Αγγέλων χοροίς τή Τρισηλίω παρεστώς Θεότητι, διά παντός ικέτευε υπέρ τών πίστει βοώντων
Χαίρε, δι ού η Τριάς υμνείται
χαίρε, δι ού ο Σατάν σοβείται.
Χαίρε, πρωτοστάτα τών άνω Δυνάμεων
χαίρε, καταπέλτα σκοτίων εκφάνσεων.
Χαίρε, άρχων ηλιόμορφε ουρανίων στρατιών
χαίρε, βέλος τό τομώτατον κατ εχθρών τών νοητών.
Χαίρε, ότι εκλάμπεις ως λαμπρός εωσφόρος
χαίρε, ότι αστράπτεις ως αστήρ φωτοφόρος.
Χαίρε, εχθρών απείργων τάς φάλαγγας
χαίρε, πιστοίς βραβεύων τάς χάριτας.
Χαίρε, δι ού φρυκτωρείται η κτίσις
χαίρε, δι ού ανυμνείται ο Κτίστης.
Χαίροις, Μιχαήλ αρχιστράτηγε.
Βλέπων τού Εωσφόρου τόν όλισθον, εβόας Αγγέλων, Μιχαήλ ταίς χορείαις Στώμεν καλώς τή στάσει ημών, τήν τού Θεού υμνούντες κυριότητα διό καί πρώτος γέγονας εν τοίς Αγγέλοις ανακράζων
Αλληλούϊα.
Γνώσεως απορρήτου τάς ακτίνας εκλάμπων ως πλήρης, Γαβριήλ, θείας δόξης, αΰλων Αγγέλων αρχηγός τώ θείω βουλήματι εχρημάτισας διό σου τήν λαμπρότητα θαυμάζοντες, αναβοώμεν
Χαίρε, ο πλήρης φωτός αΰλου
χαίρε, η πτώσις Εχθρού δολίου.
Χαίρε, φωτοφόρε τής χάριτος Άγγελε
χαίρε, τών αΰλων Αγγέλων διάκοσμε.
Χαίρε, σέλας παμφαέστατον εκ Τριφώτου αστραπής
χαίρε, φάος θεαυγέστατον Τριφαούς μαρμαρυγής.
Χαίρε, ότι μηνύεις Ευαγγέλια θεία
χαίρε, ότι σκεδάζεις αθυμίας τήν νύκτα.
Χαίρε, Θεού ο θείος Αρχάγγελος
χαίρε, πιστών προστάτης ακοίμητος.
Χαίρε, χαράν τοίς ανθρώποις κομίζων
χαίρε, βουλάς τού Βελίαρ εκλύων.
Χαίροις, Γαβριήλ αρχάγγελε.
Δύναμιν θείαν έχων, Αρχηγέ τών Αγγέλων, δυνάμεις ενεργείς ιαμάτων, καί χάριν χορηγών τοίς πιστοίς, πανταχού επιφθάνεις τούς καλούντάς σε, Γαβριήλ φωταυγέστατε, διασώζων τούς εκβοώντας
Αλληλούϊα.
Έλαμψας εν τώ Νόμω, Μιχαήλ ταξιάρχα, πορθμεύων τοίς δικαίοις τά κρείττω, καί εξ Αιγύπτου τόν Ισραήλ οδηγών, οίάπερ στήλη φωτόμορφος καί νεφέλη περιέπων, παρά πάντων ακούεις ταύτα
Χαίρε, στήλη πυρίμορφος θεία
χαίρε, σκέπη Ισραήλ αγία.
Χαίρε, Ιουδαίων ο πάλαι ηγούμενος
χαίρε, Χριστωνύμους κινδύνων λυτρούμενος.
Χαίρε, ότι φανείς σέσωκας τής σφαγής τόν Ισαάκ
χαίρε, ότι χαράς έπλησας μυστικής τόν Αβραάμ.
Χαίρε, ο τών Αγγέλων παμφαής στρατηγέτης
χαίρε, ο τών αΰλων ουσιών αρχηγέτης.
Χαίρε, φωτός αΰλου λαμπάδιον
χαίρε, φωστήρ τών θείων Δυνάμεων.
Χαίρε, πιστών ουρανία λαμπρότης
χαίρε, νοών φωταυγών ωραιότης.
Χαίροις, Μιχαήλ αρχιστράτηγε.
Ζηλωτάς θείων έργων καί σεμνής πολιτείας εργάτας, Μιχαήλ στρατηγέτα, ανάδειξον τούς πίστει θερμή τή σκέπη τών πτερύγων σου προστρέχοντας αεί γάρ σήν βοήθειαν επικαλούμεθα βοώντες
Αλληλούϊα.
Ήκουσε τής φωνής σου, ως είδε Ζαχαρίας εστώτα εν ναώ σε Κυρίου αυτώ γάρ, Γαβριήλ, εμφανώς τήν τού Προδρόμου εν γήρατι σύλληψιν θεόθεν ευηγγέλισαι διό σοι πάντες εκβοώμεν
Χαίρε, χαράν ατέκνοις κομίζων
χαίρε, δεσμά απαιδίας λύων.
Χαίρε, τού Προδρόμου μηνύσας τήν σύλληψιν
χαίρε, Ζαχαρίου ο λύσας τήν στείρωσιν.
Χαίρε, μηνυτά ουράνιε ιερών αγγελιών
χαίρε, πορθμευτά ασώματε ψυχοτρόφων δωρεών.
Χαίρε, ότι εκλάμπεις ως πολύφωτον άστρον
χαίρε, ότι πυρσεύεις τάς καρδίας απάντων.
Χαίρε, Θεού χρηστότητος άγγελε
χαίρε, σεπτών χαρισμάτων πάροχε.
Χαίρε, φωτός απαστράπτων ακτίνας
χαίρε, εχθρών απαμβλύνων βολίδας.
Χαίροις, Γαβριήλ αρχάγγελε.
Θείοις σου απειθήσας ρήμασι Ζαχαρίας, εστέρηται φωνής παραυτίκα, φωτός διάκονε Γαβριήλ, καί τό λαλείν εν τώ τεκείν απέλαβε τής χάριτος τόν Πρόδρομον, ευλογών τόν Θεόν καί ψάλλων
Αλληλούϊα.
Ισχυρός εν τώ Νόμω, Μιχαήλ, ανεδείχθης καί μέγας εν τή Χάριτι μύστης, εκεί μέν εν τύπω καί σκιά, ώδε ανακεκαλυμμένως, ένδοξε εν πάσι γάρ περίδοξος ανεφάνης τοίς εκβοώσι
Χαίρε, ο μέγας εν τοίς Αγγέλοις
χαίρε, ο μείζων εν θαυμασίοις.
Χαίρε, τών εν Νόμω πατέρων υπέρμαχος
χαίρε, τών αρρήτων ελλάμψεων έμπλεως.
Χαίρε, ότι ενεπόδισας τήν πορείαν Βαλαάμ
χαίρε, ότι εθριάμβευσας τήν κακίαν τού Σατάν.
Χαίρε, δεδοξασμένε Αρχιστράτηγε θείε
χαίρε, λελαμπρυσμένε καί πυρίμορφε νόε.
Χαίρε, φωτός Τριφώτου αμάρυγμα
χαίρε, χορού Αγγέλων διάδημα.
Χαίρε, βουλών τού Υψίστου εκφάντωρ
χαίρε, πιστών ο προστάτης απάντων.
Χαίροις, Μιχαήλ αρχιστράτηγε.
Κατιδών εθαμβήθη Ιησούς τού Ναυή σε, Μιχαήλ, ώπερ καί ανεβόας Εγώ αρχιστράτηγός ειμι δυνάμεως Κυρίου, καί ελήλυθα βοηθήσαί σοι εν πάσιν, εν τώ κραυγάζειν τώ Κυρίω
Αλληλούϊα.
Λάμπων τή φωταυγεία τής Αγίας Τριάδος, επέστης Ναζαρέτ εν τή πόλει, καί τό, Χαίρε, ώ Γαβριήλ, τή Κεχαριτωμένη ανεβόησας διό σου μεγαλύνοντες τά ευαγγέλια, βοώμεν
Χαίρε, χαράς αιωνίου κήρυξ
χαίρε, φωτός Τρισηλίου μύστης.
Χαίρε, τή Παρθένω τό, Χαίρε, φθεγξάμενος
χαίρε, τής κατάρας τήν λύπην τρεψάμενος.
Χαίρε, Άγγελε χαρμόσυνε θείου Ευαγγελισμού
χαίρε, στόμα τό μελίρρυτον ουρανίου γλυκασμού.
Χαίρε, ότι Κυρίου τήν σύλληψιν αγγέλλεις
χαίρε, ότι τήν άρρητον ευφροσύνην παρέχεις.
Χαίρε, παθών σβεννύων τήν κάμινον
χαίρε, χαράν μηνύων τήν άληκτον.
Χαίρε, Θεού τήν βουλήν αναγγέλλων
χαίρε, Εχθρού τήν ροπήν αναστέλλων.
Χαίροις, Γαβριήλ αρχάγγελε.
Μετά δέους παρέστης τή παρθένω Μαρία, ώ θείε Γαβριήλ φωτοφόρε, καί τόν ουράνιον ασπασμόν καί τής τού Θεού βουλής τήν εκπλήρωσιν ταύτη προσεκόμισας, τώ σέ αποστείλαντι κραυγάζων
Αλληλούϊα.
Νεκρόν τού Μωϋσέως προταγαίς θείαις είκων, ώ θείε Μιχαήλ, αποκρύψας τώ Αρχίππω εν Χώναις φανείς, τού ποταμού τόν σφοδρόν ρούν κατέχωσας διό τό μεγαλείόν σου θαυμάζοντες, αναβοώμεν
Χαίρε, Αγγέλων ο ταξιάρχης
χαίρε, ανθρώπων μέγας προστάτης.
Χαίρε, Μωϋσέως φυλάξας το σκήνωμα
χαίρε, τού δολίου αισχύνας τό φρύαγμα.
Χαίρε, ρείθρον διειδέστατον ευσπλαγχνίας θεϊκής
χαίρε, τείχος οχυρώτατον Εκκλησίας τής σεπτής.
Χαίρε, ότι τά ρείθρα ποταμού μετατρέπεις
χαίρε, ότι ναόν σου τόν σεπτόν περιέπεις.
Χαίρε, εχθρών συντρίβων τήν δύναμιν
χαίρε, παθών φλογίζων τήν σύστασιν.
Χαίρε, ψυχών πασχουσών θεραπεία
χαίρε, ημών ασφαλής οδηγία.
Χαίροις, Μιχαήλ αρχιστράτηγε.
Ξένον θαύμα εργάζη, Μιχαήλ φωτοφόρε, ομού σύν Γαβριήλ τώ ενθέω εκ τών θαλαττίων γάρ βυθών τή Δοχειαρίου Μονή εσώσατε τόν νέον, ως επέστητε, εκπληττόμενον καί βοώντα
Αλληλούϊα.
Όλος λελαμπρυσμένος, όλος αστραποφόρος ταίς θείαις, Γαβριήλ, αγλαΐαις επέστης εν τή Βηθλεέμ, καί τοίς ποιμέσι Κυρίου τήν γέννησιν ήγγειλας εκπληττομένοις τώ θαύματι καί εκβοώσι
Χαίρε, φρικτού μυστηρίου μύστης
χαίρε, φωτός ουρανίου πλήρης.
Χαίρε, ουρανίων ταγμάτων ταξίαρχε
χαίρε, απορρήτων πραγμάτων διάκονε.
Χαίρε, ότι εν οράματι βεβαιοίς τόν Ιωσήφ
χαίρε, ότι τούτω είρηκας πρός τήν Αίγυπτον φυγείν.
Χαίρε, ο τών ποιμένων τάς εννοίας εκπλήξας
χαίρε, ο τώ τεχθέντι τούτους καθοδηγήσας.
Χαίρε, πιστών θερμόν καταφύγιον
χαίρε, ημών εν πόνοις προσφύγιον.
Χαίρε, λαμπάς φωταυγείας αΰλου
χαίρε, λιμήν τών εν λύπαις τού βίου.
Χαίροις, Γαβριήλ αρχάγγελε.
Πρός τό μνήμα επέστης τού Χριστού αναστάντος, καί έφης ταίς σεμναίς Μυροφόροις Τί ζητείτε Χριστόν εν νεκροίς; ηγέρθη ο ζωήν πηγάζων Κύριος, ώ Γαβριήλ φωτόμορφε, ώ εν ευλαβεία βοώμεν
Αλληλούϊα.
Ρώμην θείαν παρέχων, Μιχαήλ, τοίς δικαίοις, αυτοίς πολλοίς τρόποις καθωράσο, καί εν τώ Βυζαντίω φανείς, τά τών εχθρών διέλυσας στρατεύματα διό τήν προστασίαν σου κηρύττοντες, αναβοώμεν
Χαίρε, Κυρίου ο παραστάτης
χαίρε, Αγγέλων ο πρωτοστάτης.
Χαίρε, ο τήν γήν διερχόμενος άπασαν
χαίρε, ο πληρών τού Θεού τά προστάγματα.
Χαίρε, ήλιε πολύφωτε, Ασωμάτων Αρχηγέ
χαίρε, σέλας αστραπόμορφον, θείας δόξης κοινωνέ.
Χαίρε, ότι εφάνης Μανωέ τώ δικαίω
χαίρε, ότι ωράθης Γεδεών τώ ενθέω.
Χαίρε, εχθρών συντρίψας τό στράτευμα
χαίρε, πιστών νευρώσας τό φρόνημα.
Χαίρε, πηγή πολλαπλών θαυμασίων
χαίρε, πολλών μυητής απορρήτων.
Χαίροις, Μιχαήλ αρχιστράτηγε.
Σού τήν άμαχον χάριν, Μιχαήλ φωτοφόρε, καί τήν πρός ημάς σου προστασίαν κηρύττομεν στόματι λαμπρώ, ότι πολλαπλών κινδύνων καί θλίψεων λυτρούσαι τούς προστρέχοντας τώ ναώ σου καί εκβοώντας
Αλληλούϊα.
Τή Αγνή Θεοτόκω, τώ ναώ προσαχθείση, πιστώς διακονείς καθεκάστην, καί τό χαίρε φωνήσας αυτή ώ Γαβριήλ χαριέστατε Άγγελε, χαράς πολλής επλήρωσας, τούς ευλαβώς σοι εκβοώντας
Χαίρε, Παρθένου ο νυμφοστόλος
χαίρε, ο λύχνος ο φωτοφόρος.
Χαίρε, μυστηρίων τών θείων διάκονος
χαίρε, αυγασμάτων αΰλων ανάπλεως.
Χαίρε, τής Χριστού σαρκώσεως θείος ευαγγελιστής
χαίρε, τής Αγγέλων τάξεως άρχων ο θεοειδής.
Χαίρε, ότι υπούργεις εν ναώ τή Παρθένω
χαίρε, ότι υπείκεις Λόγω τώ Υπερθέω.
Χαίρε, Θεού Αρχάγγελε πάμφωτε
χαίρε, ημών υπέρμαχε κράτιστε.
Χαίρε, ο ύμνον Τρισάγιον άδων
χαίρε, δεήσεις δεχόμενος πάντων.
Χαίροις, Γαβριήλ αρχάγγελε.
Ύδωρ έβλυσε ξένον τή υμών επιφανεία Μονή Δοχειαρίου τή θεία, Αρχάγγελοι Χριστού, εμφανώς, Μιχαήλ καί Γαβριήλ ιερώτατοι διό υμάς γεραίρομεν ως αρωγούς ημών, βοώντες
Αλληλούϊα.
Φωτοφόρος καί πλήρης ουρανίου ισχύος οράσαι, Μιχαήλ στρατηγέτα, καί χείρα βοηθείας αεί επορέγεις τοίς πιστώς σοι προστρέχουσι, κινδύνων εξαιρούμενος τούς εκβοώντάς σοι τοιαύτα
Χαίρε, Κυρίου τήν δόξαν βλέπων
χαίρε, αγίαν δύναμιν έχων.
Χαίρε, ο αδύτω φωτί ελλαμπόμενος
χαίρε, ο κινδύνων ημάς εκρυόμενος.
Χαίρε, μέγιστε Αρχάγγελε τής ισχύος τού Θεού
χαίρε, κράτιστε αντίπαλε τής μανίας τού Εχθρού.
Χαίρε, ότι ταχέως τών πιστών προστατεύεις
χαίρε, ότι οξέως τόν Βελίαρ εκτρέπεις.
Χαίρε, Θεού ορών τήν λαμπρότητα
χαίρε, νοός σοβών αμαυρότητα.
Χαίρε, ψυχών απελαύνων τό άχθος
χαίρε, εχθρών καταβάλλων τό κράτος.
Χαίροις, Μιχαήλ αρχιστράτηγε.
Χαίρει πάσα η κτίσις, βοηθούς καί προστάτας, δυάς τών φωταυγών Αρχαγγέλων, πλουτήσασα υμάς εκ Θεού, καί ταίς πτέρυξιν υμών σπεύδομεν, ώ Μιχαήλ καί Γαβριήλ, καί τή Τριάδι εκβοώμεν
Αλληλούϊα.
Ψάλλων εν τοίς υψίστοις, Γαβριήλ, τή Τριάδι σύν πάντων τών Αγγέλων τοίς δήμοις τόν τρισάγιον ύμνον αεί, υπέρ ημών διά παντός ικέτευε, ως άν πόνων καί θλίψεων ρυώμεθα οι εκβοώντες
Χαίρε, Αρχάγγελε φωτοφόρε
χαίρε, εν άπασι σελασφόρε.
Χαίρε, ο πυρίνων ταγμάτων πρωτάγγελος
χαίρε, ο πνευμάτων σκοτίων αντίμαχος.
Χαίρε, φύλαξ ο θερμότατος ευσεβών χριστιανών
χαίρε, στήριγμα ακράδαντον κλονουμένων καρδιών.
Χαίρε, τής Εκκλησίας αρραγής προστασία
χαίρε, τών σέ υμνούντων ψυχική θυμηδία.
Χαίρε, δι ού τού σκότους ρυσθήσομαι
χαίρε, δι ού φωτός πληρωθήσομαι.
Χαίρε, ακτίς τής εν σκότει ψυχής μου
χαίρε, κρηπίς τής παρούσης ζωής μου.
Χαίροις, Γαβριήλ αρχάγγελε.
Ώ δυάς φωτοφόρε τών λαμπρών Αρχαγγέλων, Μιχαήλ καί Γαβριήλ συνάμα, ( γ) τού αδύτου φωτός κοινωνούς ταίς φωταυγέσι λιταίς υμών δείξατε τούς πόθω υμάς μέλποντας, καί τή Τριάδι εκβοώντας
Αλληλούϊα.
Καί πάλιν τό ειρημένον Κοντάκιον.
Κοντάκιον. Ήχος πλ. δ. Τή υπερμάχω.
Τών ουρανίων στρατιών ως προεξάρχοντες ο Μιχαήλ καί Γαβριήλ οι αρχιστράτηγοι, οι τώ θρόνω παρεστώτες τής θείας δόξης, τών παγίδων τού δολίου Πολεμήτορος εκλυτρούσθε προστασίαις υμών πάντοτε τούς κραυγάζοντας
Χαίροις, ζεύγος ασώματον.
