Χαιρετισμοί εις τους Αγίους Κυπριανόν και Ιουστίνης
Ήχος πλ. δ΄. Τη υπερμάχω.
Τον εκ της πλάνης ως αστέρα αναλάμψαντα, Κυπριανόν τον θεοφάντορα τιμήσωμεν, σύν αυτώ και Ιουστίναν την μακαρίαν· ο μεν ώφθη Ιεράρχης ενθεώτατος, η δε νύμφη του Σωτήρος εχρηματισε· Τούτοις λέγοντες· Αθληταί Χριστού χαίρετε!
Άγγελος εν τώ βίω, προσελθών τώ Κυρίω, σοφέ Κυπριανέ ανεδείχθης (εκ γ’)· και αριστεύσας αθλητικώς, επουρανίων επάθλων ηξίωσαι, διό σου την λαμπρότητα, θαυμάζοντες αναβοώμεν·
Χαίρε, δι’ ού ο Χριστός αυγάζει·
Χαίρε, δι’ ού ο εχθρός στενάζει.
Χαίρε, των πεσόντων τη πλάνη ανόρθωσις·
Χαίρε, των δογμάτων του σκότους απώθησις.
Χαίρε, ύψος επιγνώσεως της κενώσεως Χρίστου·
Χαίρε, βάθος πάσης χάριτος βίου Ευαγγελικού.
Χαίρε, ότι έπέγνιυς του εχθρού την απάτην·
Χαίρε, ότι διέγνως του Θεού την αγάπην.
Χαίρε αστήρ της θείας χρηστότητος·
Χαίρε, λαμπτήρ της άνω λαμπρότητος.
Χαίρε, δι’ ού ο Χριστός εδοξάσθη·
Χαίρε, δι’ ού ο εχθρός κατεπλάγη.
Χαίροις Κυπριανέ μακάριε!
Βλέμμα το της ψυχής σου, ήνοιξας ως αγχίνους, και είδες και επέγνως θεόφρον, το θαυμαστόν ως αληθώς φως, του προς γνώσιν σε αληθή καλέσαντος, Χριστού του Παντοκράτορος, Κυπριανέ ώ ανεβόας·
Αλληλούια.
Γνώσει της αληθείας, αύγασθείσα θεόφρον, απείπας των ματαίων την ύλην, και παρθένος ώφθης εκλεκτή, Ιουστίνα τον Χριστόν αγαπήσασα· διό σε μακαρίζοντες, αναβοώμέν σοι τοιαύτα·
Χαίρε, το άνθος της παρθενίας·
Χαίρε, το κρίνον της ευσεβείας.
Χαίρε, μυροθήκη ηθών καθαρότητος·
Χαίρε, συστοιχία απάσης σεμνότητος.
Χαίρε, σκεύος πολυτίμητον επιπνοίας θεϊκής·
Χαίρε, άρωμα ουράνιον ευωδίας μυστικής.
Χαίρε, ότι του κόσμου ολοτρόπως απέστης·
Χαίρε, ότι τώ Λόγω νοητώς ενυμφεύθης.
Χαίρε, Χριστού αγάπης θησαύρισμα·
Χαίρε, φωτός αύλου εναύλισμα.
Χαίρε, φθαρτών υπερόπτις απάντων·
Χαίρε, καλών κοινωνία αφθάρτων.
Χαίροις Ιουστίνα ένδοξε!
Δύναμιν ουρανόθεν, δεδεγμένη θεόφρον, απώσω του εχθρού την μανίαν, και την κατά σου ορμήν αυτού, ως παίδων διαλέλυκας αθύρματα , Ιουστίνα πανεύφημε, τώ σε δυναμούντι βοώσα·
Αλληλούια.
Έκαυσας παρῥησία, ως ύλην απωλείας, τας δέλτους της κακίστης μαγείας, και εδέξω ένδον εν ψυχή , του Παρακλήτου Κυπριανέ την έλλαμψιν, δι’ ής ως φως εξέλαμψας, καταφωτίζων τους βοώντας·
χαίρε, της πλάνης ο καθαιρέτης·
χαίρε, του ψεύδους ο αναιρέτης.
χαίρε, ο γνωρίσας εχθρού την ασθένειαν·
χαίρε, ο πλουτήσας Χριστού την ευμένειαν.
χαίρε, έργον περιλάλητον αλλοιώσεως σεπτής·
χαίρε, πλούτος πολυποίκιλος γνώσεως της θεϊκής.
χαίρε, ότι επλήσθης φωτισμού ουρανίου·
χαίρε, ότι επήρθης μετοχής επιγείου.
χαίρε, παθών νεκρώσας το όρμημα·
χαίρε, ψυχής ζωώσας το φρόνημα.
χαίρε, Χριστού ερασθείς της πτωχείας·
χαίρε, κενής μακρυνθείς ευδοξίας.
Χαίροις Κυπριανέ μακάριε!
Ζήλον τον προς τα χείρω, μεταθέμενος Πάτερ, προς έφεσιν και πόθον των θείων Αποστόλων, ώφθης ζηλωτής, ως εν σοφία πολύς και περίδοξος, σοφώς γάρ υποτέταξαι, Κυπριανέ ώ και εβόας·
Αλληλούια.
Ήρθης προς θείον ύψος, εν Χριστώ συνδεθείσα, Κυπριανώ τώ παμμακαρίστω· και πολιτείαν ήσκεις σεμνήν, τη Εκκλησία διακονούσα πάνσεμνε διό Ιουστίνα σε, τιμώντες εκβοώμεν ούτω·
Χαίρε, παρθένος η μακαρία·
Χαίρε, της χάριτος γεωργία.
Χαίρε, τον Χριστόν εκ καρδίας ποθήσασα·
Χαίρε, του εχθρού την απάτην μισήσασα.
Χαίρε, βίου καθαρότητος ακηλίδωτος εικών·
Χαίρε, έμψυχον υπόδειγμα των παρθένων των σεμνών.
Χαίρε, ότι εκλύεις την ορμήν του δολίου·
Χαίρε, ότι εκφαίνεις την ισχύν του Κυρίου.
Χαίρε, αμνός Χριστού καλλιπάρθενος·
Χαίρε, καλή εν πάσι και άμεμπτος.
Χαίρε, δι’ ής η κακία τροπούται·
Χαίρε, δι’ ής ο βελιαρ νεκρούται.
Χαίροις Ιουστίνα ένδοξε!
Θεολήπτω καρδία, και αγάπη τελεία, Χριστώ εφεπομένη Αγία, σύν Κυπριανώ τώ ίερώ, αθλητικόν διηνύσατε στάδιον· και νύν ταις άνω τάξεσι, συνόντες Χριστώ εκβοάτε·
Αλληλούια.
Ιεράρχης θεόφρον, και πιστός οικονόμος, των θείων μυστηρίων παμμάκαρ, εδείχθης νεύσει θεαρχική, Κυπριανέ και τώ Θεώ ωδήγησας , λόγοις ομού και πράξεσι, τους εκβοώντας σοι τοιαύτα·
Χαίρε, ποιμήν Χριστού των προβάτων·
Χαίρε, πηγή αύλων ναμάτων.
Χαίρε, ο διδάξας Χριστού την χρηστότητα·
Χαίρε, ο εκλάμψας ζωής καθαρότητα.
Χαίρε, ιεράρχης Όσιος και εν δόγμασι σοφός·
Χαίρε, θεηγόρος ένθεος και ποιμήν αληθινός.
Χαίρε, ότι ποιμαίνεις ίερέυς την σήν ποίμνην·
Χαίρε, ότι εκτρέπεις της απάτης την λύμην.
Χαίρε, σπορεύ δογμάτων της πίστεως·
Χαίρε, τομεύ σπερμάτων του χείρονος.
Χαίρε, ψυχών καλλονής εισηγήτωρ·
Χαίρε, καλών προκοπής υφηγήτωρ.
Χαίροις Κυπριανέ μακάριε!
Κήρυξ της αληθείας και φωστήρ Εκκλησίας και σάλπιγξ ευσπλαγχνίας της θείας, τοις είδεσι πάσης αρετής κεκοσμημένος Κυπριανέ πέφηνας· την θύραθεν σοφίαν γάρ, υπέταξας Θεώ κραυγάζων·
Αλληλούια.
Λάμπουσα πολιτεία, Ιουστίνα αγία, προσήγαγες ως προίκα Κυρίω, αθλήσασα ανδρεία ψυχής, των σών αιμάτων την χύσιν πανεύφημε· εντεύθεν σου την άθλησιν, γεραίροντες αναβοώμεν·
Χαίρε, λαμπάς της θείας αγάπης·
Χαίρε, βολές κατά της απάτης.
Χαίρε, μαρτυρίου τους πόνους ενέγκασα·
Χαίρε, των τυράννων το θράσος ελέγξασα.
Χαίρε, ασθενεία φύσεως καθελούσα τον εχθρόν·
Χαίρε, ευσεβείας σκάμμασι μεγαλύνασα Χριστόν.
Χαίρε, ότι βασάνων τας οδύνας υπέστης·
Χαίρε, ότι εν δόξη προς τα άνω μετέστης.
Χαίρε, Χριστού ορώσα την έλλαμψιν·
Χαίρε, ψυχών ζωούσα την νέκρωσιν.
Χαίρε, ζωής αθανάτου πυξίον·
Χαίρε, χαράς αϊδίου δοχείον.
Χαίροις Ιουστίνα ένδοξε!
Μαρτυρίου τον δρόμον, Ιουστίνα θεόφρον, τελέσασα ψυχή ανενδότο, σύν τώ αγίω Κυπριανώ, υπερκοσμίου ευκλείας ετύχετε, δαιμόνων την επήρειαν, εκτρέποντες εκ των βοώντων·
Αλληλούια.
Νεκρωθείς τοις εν κόσμω, Ιεράρχα θεόφρον, μιμούμενος Χριστόν τον Σωτήρα , τούτου το πάθος Κυπριανέ, εζήλωσας αθλήσας ώσπερ άσαρκος, δαιμόνων άπαν τέχνασμα, αποτρέπων εκ των βοώντων·
Χαίρε, ο κήρυξ της ευσεβείας·
Χαίρε, η πτώσις της ανομίας.
Χαίρε, Ιεράρχα και Μάρτυς αήττητε·
Χαίρε, μυστηπόλε των άνω περίδοξε.
Χαίρε, ξίφος το αμφίστομον μαγικών ενεργειών·
Χαίρε, μάστιγξ ολετήριος χαλεπών μαγγανειών.
Χαίρε, ότι ελέγχεις των ειδώλων τον δόλον·
Χαίρε, ότι ιθύνεις προς ουράνιον δρόμον.
Χαίρε, Χριστού κηρύττων την κένωσιν·
Χαίρε, εχθρού απείργων την δύναμιν.
Χαίρε, ῥοαίς φοινιχθείς των αιμάτων·
Χαίρε, αυγήν απαστράπτων θαυμάτων.
Χαίροις Κυπριανέ μακάριε !
Ξενοτρόπως εποίφθης, και εδήλωσας Πάτερ, την σήν ως αληθώς
ευδοκίαν όθεν αγαλλομένη ψυχή , τον σόν άγιον οίκον οικοδομήσαν, Κυπριανέ μακάριε, εν ώ βοώμεν τη Τριάδι·
Αλληλούια.
Όλω νοί Κυρίω των ψυχών τώ νυμφίω, προσέχουσα σεμνή Ιουστίνα, βίον διήνυες ιερόν και μαρτυρίου υπήλθες το στάδιον, διό την καρτερίαν σου αγάμενοι πιστώς βοώμεν·
Χαίρε, Κυρίω η νυμφευθείσα·
Χαίρε, του κόσμου η χωρισθείσα.
Χαίρε, παρθενίας το θείον οσφράδιον·
Χαίρε, σωφροσύνης το έμπνουν αλάβαστρον.
Χαίρε, θείας επιλάμψεως όργανον το μυστικόν·
Χαίρε, χάριτος τοΰ Πνεύματος σκήνωμα το ιερόν.
Χαίρε, ότι επήρθης τη αγάπη του Κτίστου·
Χαίρε, ότι ελύθης του ῥοώδους σαρκίου.
Χαίρε, σεμνών παρθένων αγλάισμα·
Χαίρε, στερῥών Μαρτύρων ωράισμα.
Χαίρε, πιστών η πτερούσα τον πόθον·
Χαίρε, Χριστού γεωργούσα τον λόγον.
Χαίροις Ιουστίνα ένδοξε!
Πλήρης ούσα Αγία, της αγάπης της θείας, μακρύνασα τον νούν των γηίνων , ουκ ησθάνου πόνων αλγεινών, προσαγομένων τώ θείω σου σώματι, αλλ’ ανέπαφος μένουσα Ιουστίνα εβόας·
Αλληλούια.
Ῥείθροις των σών αιμάτων, την στολήν σου φοινίξας, σοφέ Ιερομάρτυς Κυρίου, ανήλθες προς την άνω σκηνήν, Κυπριανέ τα υπέρ νούν θεώμενος, και Χριστόν ιλεούμενος, τοις πίστει σοι αεί βοώσι·
Χαίρε, το κλέος των Επισκόπων·
Χαίρε, η δόξα των Αθλοφόρων.
Χαίρε, ιερέων ωραίος διάκοσμος·
Χαίρε, ευσεβούντων ο θείος διδάσκαλος.
Χαίρε, ζηλωτής θερμότατος Αποστόλων του Χριστού·
Χαίρε, Αθλητής στερῥότατος του των όλων Ποιητού·
Χαίρε, ότι την Κάραν απετμήθης προθύμως·
Χαίρε, ότι θεόθεν εδοξάσθης αξίως.
Χαίρε, Χριστού πιών το ποτήριον·
Χαίρε, ημών το θείον προσφύγιον.
Χαίρε, οίκου του σεπτού σου προστάτης·
Χαίρε, δεινών μαγειών καταλύτης.
Χαίροις Κυπριανέ μακάριε!
Σώμα σου Ιεράρχα, μετά τέλος το θείον, ομού και της σεμνής Ιουστίνης, χαριτωθέντα παρά Θεού, τη παλαιά Ῥώμη πιστώς μετήνεγκαν, ιάματα βλυστάνοντα, τοις προσιούσι και βοώσιν·
Αλληλούια.
Του νυμφώνος του θείου, ένδον χοροβατούσα, ως νύμφη του Χριστού Ιουστίνα, τούτον σου τον άγιον οίκον, σύν τώ κλεινώ Κυπριανώ φυλάττετε , εκ πάσης περιστάσεως , αεί βοώντα σοι θεόφρον·
Χαίρε, Χριστού ορώσα το κάλλος·
Χαίρε, εχθρού πατούσα το κράτος.
Χαίρε, των αύλων Αγγέλων συνόμιλε·
Χαίρε, των Αγίων Μαρτύρων ομόσκηνε.
Χαίρε, σκέπη και κραταίωμα του παρόντος σου οίκου·
Χαίρε, πτώσις και κατάργησις της δαιμονικής ορμής.
Χαίρε, ότι παρέχεις αθυμίας την λύσιν·
Χαίρε, ότι έκφαίνεις την θεόσδοτον κτήσιν.
Χαίρε, παθών καθαίρουσα βόρβορον·
Χαίρε, πιστών ευφραίνουσα όμιλον.
Χαίρε, δι’ ής κατησχύνθη η πλάνη·
Χαίρε, δι’ ής η άλήθεια λάμπει.
Χαίροις Ιουστίνα ένδοξε!
Υψωσον τας σας χείρας , προς Χριστόν Ιουστίνα, υπέρ της λογικής ταύτης ποίμνης, σύν τώ ιερώ Κυπριανώ, ως αν πάσης ανάγκης και κακώσεως, απαύστως εκρυώμεθα, οι τη Τριάδι εκβοώντες·
Αλληλούια.
Φως το άυλον βλέπων, της Αγίας Τριάδος, σοφέ Κυπριανέ σύν Αγγέλοις, τον οίκον σου τούτον τον σεπτόν, της των παθών σκοτομήνης απάλλαξον, προς σε γάρ σπεύδει πάντοτε, και ευλαβώς σοι ανακράζει·
Χαίρε, οίκου σου ο αντιλήπτωρ·
Χαίρε, πενθούντων ο παρακλήτωρ.
Χαίρε, της μαγείας εκλύων την δύναμιν·
Χαίρε, των δαιμόνων εκτρέπων την σύναρσιν.
Χαίρε, ότι εθεράπευσας την γυναίκα των δεινών·
Χαίρε, ότι καταβέβληκας τον αντίπαλον εχθρόν.
Χαίρε, ο ιατρεύσας νεανίαν του πάθους·
Χαίρε, ο απαλλάττων τους πιστούς πάντοτε άλγους.
Χαίρε, εχθρού απείργων τα φάσματα·
Χαίρε, πιστοίς παρέχων ιάματα.
Χαίρε, παθών διαλύων τον ζόφον·
Χαίρε, ψυχών θεραπεύων τον πόνον.
Χαίροις Κυπριανέ μακάριε!
Χαίρει Ιερομάρτυς , ο άγιος σου οίκος, φρουρόν σε και έφορον πλούτων, Κυπριανέ θαυματουργέ και τη σή προστασία αεί σπεύδων κηρύττει σου τα θαύματα, τώ σε δοξάσαντι βοών·
Αλληλούια.
Ψαλμοσύνθετον αίνον, σοί προσάγομεν πάντες υμνούντες σου των άθλων το γέρας, ώ Ιουστίνα μάρτυς Χριστού· αλλ’ αεί τον σόν νυμφίον ικέτευε, χάριν ημίν και έλεος, δούναι τοις πόθο σοί βοώσι·
Χαίρε, Χριστού ακήρατος νύμφη·
Χαίρε, πιστών αήττητος νίκη.
Χαίρε, ευσεβείας το κράτος εκφήνασα·
Χαίρε, δυσσεβείας την πλάνην αισχύνασα.
Χαίρε, φως τώ τρισαυγέστατον δεχομένη δαψιλώς·
Χαίρε, πάντων προστατεύουσα των τιμώντων σε πιστώς.
Χαίρε, Παρθενομάρτυς θαυμαστή Ιουστίνα·
Χαίρε, της Εκκλησίας μυστική δαδουχία.
Χαίρε, δι’ ής παθών ιαθήσομαι·
Χαίρε, δι’ ής φωτός έμπλησθήσομαι.
Χαίρε, οίκου του σεπτού λαμπρότης·
Χαίρε, καμού εν Χριστώ φωτοδότις.
Χαίροις Ιουστίνα ένδοξε!
Ώ δυάς πανόλβια, Κυπριανέ παμμάκαρ, ομού και Ιουστίνα θεόφρον (εκ γ’)· τη Αγία Τριάδι αεί υπέρ ημών μη παύσησθε πρεσβεύοντες, ως αν ζωής της κρείττονος, αξιωθώμεν εκβοώντες·
Αλληλούια.
Και αύθις το Κοντάκιον. Ήχος πλ. δ΄. Τη Υπερμάχω.
Τον εκ της πλάνης ως αστέρα αναλάμψαντα, Κυπριανόν τον θεοφάντορα τιμήσωμεν, σύν αυτώ και Ιουστίνην την μακαρίαν· ο μέν ώφθης Ιεράρχης ενθεώτατος, η δε νύμφη του Σωτήρος εχρημάτισε· Τούτοις λέγοντες· Αθληταί Χριστού χαίρετε!
