Παναγία Ελευθερώτρια: Παρακλητικός Κανών στην Παναγία Ελευθερώτρια. Διαβάστε παρακάτω την Παράκληση στην Παναγία Ελευθερώτρια. Σκέπην και βοήθειαν, και αρραγή προστασίαν…
και Ελευθερώτριαν, εν παντί τω βίω σε, Κόρη έχοντες πολλαπλών θλίψεων, και ασθενημάτων, και σκανδάλων των του όφεως, και πάσης Δέσποινα, άλλης συμφοράς…
Ο Ιερεύς: Ευλογητός ο Θεός ημών, πάντοτε· νύν, και αεί, και εις τους αιώνας των αιώνων. Βασιλεύ ουράνιε, Παράκλητε, το Πνεύμα της αληθείας, ο πανταχού παρών, και τα πάντα πληρών, ο θησαυρός των αγαθών, και ζωής χορηγός, ελθέ και σκήνωσον εν ημίν, και καθάριστον ημάς από πάσης κηλίδος και σώσον, Αγαθέ, τας ψυχάς ημών.
Ο χορός: Αμήν.
Ψαλμός ρμβ΄ (142)
Κύριε, εισάκουσον της προσευχής μου, ενώτισαι την δέησίν μου εν τη αληθεία σου, εισάκουσόν μου εν τη δικαιοσύνη σού• και μη εισέλθης εις κρίσιν μετά του δούλου σου, ότι ου δικαιωθήσεται ενώπιόν σου πάς ζών. ότι κατεδίωξεν ο εχθρός την ψυχήν μου, εταπείνωσεν εις γην την ζωήν μου, εκάθισε με εν σκοτεινοίς ως νεκρούς αιώνος και ηκηδίασεν έπ εμέ το πνεύμά μου, εν εμοί εταράχθη η καρδία μου. Εμνήσθην ημερών αρχαίων, εμελέτησα εν πάσι τοις έργοις σου, εν ποιήμασι των χειρών σου εμελέτων. διεπέτασα προς σε τας χείράς μου, η ψυχή μου ως γη άνυδρος σοί.
Ταχύ εισάκουσόν μου, Κύριε, εξέλιπε το πνεύμά μου μη αποστρέψης το πρόσωπόν σου άπ εμού, και ομοιωθήσομαι τοις καταβαίνουσιν εις λάκκον. ακουστόν ποίησον μοί το πρωί το έλεός σου, ότι επί σοί ήλπισα• γνώρισον μοί, Κύριε, οδόν, εν η πορεύσομαι, ότι προς σε ήρα την ψυχήν μού• εξελού με εκ των εχθρών μου, Κύριε, ότι προς σε κατέφυγον. δίδαξον με του ποιείν το θέλημά σου, ότι σύ ει ο Θεός μού• το πνεύμά σου το αγαθόν οδηγήσει με εν γη ευθεία. Ένεκεν του ονόματός σου, Κύριε, ζήσεις μέ, εν τη δικαιοσύνη σου εξάξεις εκ θλίψεως την ψυχήν μου και εν τώ ελέει σου εξολοθρεύσεις τους εχθρούς μου και απολείς πάντας τους θλίβοντας την ψυχήν μου, ότι εγώ δούλός σου ειμι.
Και πάλιν·
Εισάκουσόν μου, Κύριε, εν τη δικαιοσύνη σου, και μη εισέλθης εις κρίσιν μετά του δούλου σου (δις).
Είτα
Το πνεύμά σου το αγαθόν οδηγήσει με εν γη ευθεία.
Δόξα Πατρί, και Υιώ, και αγίω Πνεύματι. Και νύν, και αεί, και εις τους αιώνας των αιώνων.
Αλληλούϊα, (γ΄) Δόξα σοι ο Θεός.
Αλληλούϊα (γ΄) Δόξα σοι ο Θεός.
Αλληλούϊα (γ΄) Δόξα σοι ο Θεός. Η ελπίς ημών, Κύριε, δόξα σοι.
Είτα ο Χορός·
Θεός Κύριος και επέφανεν ημίν, ευλογημένος ο ερχόμενος εν ονόματι Κυρίου.
Παναγία Ελευθερώτρια – Απολυτίκιο
Ήχος α΄.
Εικόνα σου αγίαν, Ελευθερώτριαν Άχραντε, νύν πανευλαβώς προσκυνούντες, γεραίρομεν, Παρθένε· επέστη γάρ σκέπη προς ημάς, βραβεύουσα θαυμάτων προχοήν. Εκ παντοίων κινδύνων, και νόσων ημάς απαλλάττουσα ευχαρίστως βοώμεν. Δόξα τώ Σε δοξάσαντι Θεώ, δόξα τώ Σε μεγαλύναντι, δόξα τώ ελευθερώσαντι ημάς διά του τόκου σου.
Δόξα Πατρί, και Υιώ, και αγίω Πνεύματι.
Ήχος δ΄. Ο υψωθείς εν τώ Σταυρώ.
Τους προσιόντας τη θερμή Σου πρεσβεία και προσκυνούντας την σεπτήν Σου Εικόνα, πανευλαβώς Αγνή Ελευθερώτρια, πάσης ελευθέρωσον απειλής και ανάγκης, και παθών και θλίψεων, και δεινών νοσημάτων, και ειρηναίαν δώρησαι ζωήν, ως της ειρήνης τεκούσα τον άρχοντα.
Και νύν, και αεί, και εις τους αιώνας των αιώνων.
Ου σιωπήσωμεν ποτέ, Θεοτόκε, τας δυναστείας σου λαλείν οι ανάξιοι· ει μη ανάξιοι· ειμή γάρ σύ προΐστασο πρεσβεύουσα, τις ημάς ερῥύσατο, εκ τοσούτων κινδύνων; Τις δε διεφύλαξεν έως νύν ελευθέρους; Ουκ αποστώμεν Δέσποινα εκ σού· σούς γάρ δούλους σώζεις αεί εκ παντοίων δεινών.
Ψαλμός ν΄ (50)
Ελέησον μέ, ο Θεός, κατά το μέγα έλεός σου και κατά το πλήθος των οικτιρμών σου εξάλειψον το ανόμημα μου•επί πλείον πλύνον με από της ανομίας μου και από της αμαρτίας μού καθάρισον μέ. Ότι την ανομίαν μου εγώ γινώσκω, και η αμαρτία μου ενώπιόν μου εστι διαπαντός. Σοί μόνω ήμαρτον και το πονηρόν ενώπιόν σου εποίησα, όπως αν δικαιωθής εν τοις λόγοις σου, και νικήσης εν τώ κρίνεσθαι σέ. Ιδού γάρ εν ανομίαις συνελήφθην, και εν αμαρτίαις εκίσσησε με η μήτηρ μου. Ιδού γάρ αλήθειαν ηγάπησας, τα άδηλα και τα κρύφια της σοφίας σου εδήλωσας μοί. Ραντιείς με υσσώπω, και καθαρισθήσομαι, πλυνείς μέ, και υπέρ χιόνα λευκανθήσομαι. Ακουτιείς μοί αγαλλίασιν και ευφροσύνην, αγαλλιάσονται οστέα τεταπεινωμένα.
Αποστρεψον το πρόσωπόν σου από των αμαρτιών μου και πάσας τας ανομίας μου εξάλειψον. Καρδίαν καθαράν κτίσον εν εμοί, ο Θεός, και πνεύμα ευθές εγκαίνισον εν τοις εγκάτοις μου. Μη απορρίψης με από του προσώπου σου και το πνεύμά σου το άγιον μη αντανέλης άπ εμού. Απόδος μοί την αγαλλίασιν του σωτηρίου σου και πνεύματι ηγεμονικώ στήριξον μέ. Διδάξω ανόμους τας οδούς σου, και ασεβείς επί σε επιστρέψουσι. Ρύσαι με εξ αιμάτων ο Θεός, ο Θεός της σωτηρίας μου•αγαλλιάσεται η γλώσσά μου την δικαιοσύνην σου. Κύριε, τα χείλη μου ανοίξεις, και το στόμα μου αναγγελεί την αίνεσίν σου. Ότι ει ηθέλησας θυσίαν, έδωκα αν•ολοκαυτώματα ουκ ευδοκήσεις. Θυσία τώ Θεώ πνεύμα συντετριμμένον, καρδίαν συντετριμμένην και τεταπεινωμένην ο Θεός ουκ εξουδενώσει. Αγάθυνον, Κύριε, εν τη ευδοκία σου την Σιών, και οικοδομηθήτω τα τείχη Ιερουσαλήμ• τότε ευδοκήσεις θυσίαν δικαιοσύνης, αναφοράν και ολοκαυτώματα• τότε ανοίσουσιν επί το θυσιαστήριον σου μόσχους.
Παναγία Ελευθερώτρια – Παρακλητικός Κανών
«Ελευθέρωσον παθών με Κόρη. Γερασίμου».
Είτα ψάλλομεν τας Ωδάς του Κανόνος.
Ωδή ά΄. Ήχος πλ. δ΄. Υγράν διοδεύσας.
Υπεραγία Θεοτόκε, σώσον ημάς.
Ελεύθερον βίον πάσης οργής, και πάσης ανάγκης, και αμέτοχον συμφορών, ημάς καταξίωσον ανύειν, Ελευθερώτρια Κόρη Πανάχραντε.
Υπεραγία Θεοτόκε, σώσον ημάς.
Λαμπάδα ανέδειξας μυστικήν, της σής προμηθείας, την Εικόνα Σου την σεπτήν, τοις εκδεχομένοις την σήν χάριν, Ελευθερώτρια Κόρη, Πανάχραντε.
Δόξα Πατρί, και Υιώ, και αγίω Πνεύματι.
Ελέους τεκούσα τον χορηγόν, ελέησον Κόρη, τοις πλουσίοις σου οικτιρμοίς, τους την σήν αντίληψιν αιτούντας, Ελευθερώτρια κόρη, Πανάχραντε.
Και νύν, και αεί, και εις τους αιώνας των αιώνων.
Υμνούσι την θείαν Σου αρωγήν, της σής προμηθείας, ημίν δίδου τας δωρεάς, και σώζε ημάς εκ πάσης βλάβης, Ελευθερώτρια Κόρη Πανάχραντε.
Συνέχεια Παναγία Ελευθερώτρια – Παρακλητικός Κανών Ωδή γ΄. Ουρανίας αψίδος.
Υπεραγία Θεοτόκε, σώσον ημάς.
Θλιβερών συμπτωμάτων, και χαλεπών θλίψεων, και επηρειών ολεθρίων, ημάς απάλλαξον, του πολεμήτορος, Ελευθερώτρια Κόρη, τους θερμώς προστρέχοντας, τη προστασία σου.
Υπεραγία Θεοτόκε, σώσον ημάς.
Επιτόκοις γυναίοις, ως συμπαθής βράβευε, την ελευθερίαν Παρθένε, ηνίκα τίκτουσι, προς σε γάρ σπεύδουσιν, Ελευθερώτρια Κόρη, το σεπτόν Σου όνομα επικαλούμεναι.
Δόξα Πατρί, και Υιώ, και αγίω Πνεύματι.
Ρείθρον άυλον θείον, ως αληθώς πρόεισιν, εκ της σής αγίας Εικόνος, Ελευθερώτρια, δροσίζον πάντοτε, και γλυκερώς αναψύχον, τους πυρί των θλίψεων, δεινώς εκλείποντας.
Και νύν, και αεί, και εις τους αιώνας των αιώνων.
Ωρυόμενον σφόδρα, νύν καθ’ ημών σύντριψον, τη σή κραταιά προστασία, εχθρόν τον δόλιον, Ελευθερώτρια, και εν ειρήνη τελεία, την ζωήν κυβέρνησον, ημών δεόμεθα.
Διάσωσον Ελευθερώτρια Κόρη Θεογεννήτορ, εκ παντοίων οδυνηρών περιστάσεων, τους καταφεύγοντας πίστει τη χάριτί σου.
Επίβλεψον εν ευμενεία Πανύμνητε Θεοτόκε, επί την εμήν χαλεπήν του σώματος κάκωσιν, και ίασαι της ψυχής μου το άλγος.
Ο Ιερεύς· Ελέησον ημάς, ο Θεός….
Κύριε, ελέησον· Κύριε, ελέησον· Κύριε, ελέησον.
Ότι ελεήμων…
Αμήν.
Ο Χορός
Ήχος β΄. Πρεσβεία θερμή.
Πρεσβείαν την σήν, ως οχυρόν προπύργιον, πλουτούντες, Αγνή παντοίων επιθέσεων, αεί ελευθερούμεθα, του δολίου εχθρού και αλάστορος, και ευφροσύνης και θείας χαράς, πληρούμεθα μόνη Παντευλόγητε.
Ωδή δ΄. Εισακήκοα Κύριε.
Υπεραγία Θεοτόκε, σώσον ημάς.
Συνεχόμενοι θλίψεσι, προς την σήν αντίληψιν καταφεύγομεν, και λυτρούμεθα Πανάχραντε, των κατά τον βίον περιστάσεων.
Υπεραγία Θεοτόκε, σώσον ημάς.
Οδυνών ελευθέρωσον, των κατά ψυχήν και σώμα Πανάμωμε, ως ημών Ελευθερώτρια, τους τα μεγαλείά σου δοξάζοντας.
Δόξα Πατρί, και Υιώ, και αγίω Πνεύματι.
Νόσων σβέσον τον καύσωνα, και υγείας δρόσον ημίν επόμβρησον, μητρική σου αγαθότητι, τοις σε μεγαλύνουσι Πανάμωμε.
Και νύν, και αεί, και εις τους αιώνας των αιώνων.
Πάσης βλάβης εκλύτρωσαι, πάσης μαγγανείας, πάσης φαυλότητος, Θεοτόκε αειπάρθενε, τους Ελευθερώτριαν πλουτούντάς σε. – Παναγία Ελευθερώτρια – Παρακλητικός Κανών
Ωδή ε΄. Φώτισον ημάς.
Υπεραγία Θεοτόκε, σώσον ημάς.
Άπας ευσεβής, τώ ναώ σου σπεύδει, Πάναγνε, και λαμβάνει τας αιτήσεις συμπαθώς· σύ γάρ πάντας ελεείς, Ελευθερώτρια.
Υπεραγία Θεοτόκε, σώσον ημάς.
Θείον θησαυρόν, την Εικόνα σου κατέχοντες, εξ αυτής αγιασμού τας δωρεάς, δαψιλώς Ελευθερώτρια λαμβάνομεν.
Δόξα Πατρί, και Υιώ, και αγίω Πνεύματι.
Ως των αγαθών, των κρειττόνων ημίν πρόξενος, αγαθύνεις μητρικοίς σου οικτιρμοίς, τους κατώδυνον ζωήν Κόρη ανύοντας.
Και νύν, και αεί, και εις τους αιώνας των αιώνων.
Νάμα γλυκερόν, ουρανίου παρακλήσεως, τοις εν θλίψεσι στενάζουσι πικρώς, συμπαθώς, Ελευθερώτρια, επόμβρησον.
Ωδή στ΄. Την δέησιν εκχεώ.
Υπεραγία Θεοτόκε, σώσον ημάς.
Μαγείας και χαλεπής μαγγανείας, και ποικίλων του Βελίαρ σκανδάλων, Ελευθερώτρια Πάναγνε Κόρη, και βασκανίας δεινής ελευθέρωσον, τους αφορώντας ακλινώς, προς την σήν οξυτάτην βοήθειαν.
Υπεραγία Θεοτόκε, σώσον ημάς.
Εν πίστει τώ σώ ναώ προσιόντες, καθ’ εκάστην Θεοτόκε ημέραν, από βαθέων ψυχής σοι βοώμεν. Ασθενειών και παντοίων στενώσεων, ελεύθερον και ασινή, ημών τήρει τον βίον δεόμεθα.
Δόξα Πατρί, και Υιώ, και αγίω Πνεύματι.
Κυούσαις Κόρη ῥαστώνην παρέχεις, και νοσούσι θεραπείαν και ῥώσιν, και θλιβομένοις ανάψυξιν θείαν, και αιχμαλώτοις ταχείαν εκλύτρωσιν· Ελευθερώτριαν διό, πάς πιστός σε κηρύττει και σώζεται.
Και νύν, και αεί, και εις τους αιώνας των αιώνων.
Οδύνης της χαλεπώς πιεζούσης, την αθλίαν μου ψυχήν και καρδίαν, και δαπανώσης οικτρώς μου το σώμα, τη σωστική σου θεράπευσον χάριτι, θεοχαρίτωτε Αγνή, και δεινής αθυμίας με λύτρωσαι.
Διάσωσον, Ελευθερώτρια Κόρη, Θεογεννήτορ, εκ παντοίων οδυνηρών περιστάσεων, τους καταφεύγοντας πίστει τη χάριτί σου.
Αχραντε η διά λόγου τον Λόγον ανερμηνεύτως, επ’ εσχάτων των ημερών τεκούσα δυσώπησον, ως έχουσα μητρικήν παρρησίαν.
Συνέχεια Παναγία Ελευθερώτρια – Παρακλητικός Κανών
Ο Ιερεύς·
Ελέησον ημάς, ο Θεός….
Κύριε, ελέησον· Κύριε, ελέησον· Κύριε, ελέησον.
Ότι ελεήμων…
Αμήν.
Ο Χορός·
Ήχος β΄. Τοις των αιμάτων σου.
Τη προστασία σου Κόρη προστρέχοντες, ελευθερούμεθα πάσης κακώσεως· διό Σου την χάριν κηρύττομεν, Ελευθερώτριαν πίστει καλούντές σε. Σύ γάρ ημών καταφύγιον.
Αντίφωνα των Αναβαθμών δ΄ Ήχου
Εκ νεότητός μου, πολλά πολεμεί με πάθη· αλλ’ αυτός αντιλαβού, και σώσον, Σωτήρ μου. (Δίς)
Οι μισούντες Σιών, αισχύνθητε από του Κυρίου· ως χόρτος γάρ, πυρί έσεσθε απεξηραμμένοι. (Δίς)
Δόξα Πατρί, και Υιώ, και αγίω Πνεύματι.
Αγίω Πνεύματι, πάσα ψυχή ζωούται, και καθάρσει υψούται, λαμπρύνεται, τη Τριαδική μονάδι, ιεροκρυφίως.
Και νύν, και αεί, και εις τους αιώνας των αιώνων.
Αγίω Πνεύματι, αναβλύζει τα της χάριτος ῥείθρα, αρδεύοντα άπασαν την κτίσιν, προς ζωογονίαν.
Και ευθύς το Προκείμενον.
Μνησθήσομαι του ονόματός σου εν πάση γενεά και γενεά.
Στίχ. Άκουσον θύγατερ και ίδε, και κλίνον το ούς σου και επιλάθου του λαού Σου, και του οίκου του Πατρός Σου, και επιθυμήσει ο Βασιλεύς του κάλλους Σου.
Στίχ. Το πρόσωπόν Σου λιτανεύσουσι οι πλούσιοι του λαού σου.
Του ονόματός σου εν πάση γενεά και γενεά μνησθήσομαι.
Ο Ιερεύς·
Και υπέρ του καταξιωθήναι ημάς της ακροάσεως του αγίου Ευαγγελίου, Κύριον τον Θεόν ημών ικετεύσωμεν.
Ο Χορός· Κύριε ελέησον. (Τρίς χύμα)
Ο Ιερεύς· Σοφία. Ορθοί ακούσωμεν του Αγίου Ευαγγελίου.
Ειρήνη πάσι.
Ο Χορός· Και τώ Πνεύματί σου.
Ο Ιερεύς
Εκ του κατά Λουκάν Αγίου Ευαγγελίου το Ανάγνωσμα,
Πρόσχωμεν.
Ο Χορός· Δόξα Σοι, Κύριε, Δόξα Σοι.
Εν ταις ημέραις εκείναις αναστάσα Μαριάμ, επορεύθη εις την ορεινήν μετά σπουδής εις πόλιν Ιούδα, και εισήλθεν εις τον οίκον Ζαχαρίου, και ησπάσατο την Ελισάβετ. Και εγένετο, ως ήκουσεν η Ελισάβετ τον ασπασμόν της Μαρίας, εσκίρτησε το βρέφος εν τη κοιλία αυτής· και επλήσθη Πνεύματος Αγίου η Ελισάβετ, και ανεφώνησε φωνή μεγάλη και είπεν· Ευλογημένη σύν εν γυναιξί και ευλογημένος ο καρπός της κοιλίας σου. Και πόθεν μοι τούτο, ίνα έλθη η Μήτηρ του Κυρίου μου προς μέ; Ιδού γάρ, ως εγένετο, η φωνή του ασπασμού σου εις τα ώτά μου, εσκίρτησε το βρέφος εν αγαλλιάσει εν τη κοιλία μου. Και μακαρία η πιστεύσασα, ότι έσται τελείωσις τοις λελαλημένοις αυτή παρά Κυρίου. Και είπε Μαριάμ· Μεγαλύνει η ψυχή μου τον Κύριον, και ηγαλλίασε το πνεύμά μου επί τώ Θεώ τώ σωτήρί μου, ότι επέβλεψεν επί την ταπείνωσιν της δούλης αυτού. Ιδού γάρ, από του νύν μακαριούσί με πάσαι αι γενεαί, ότι εποίησέ μοι μεγαλεία ο Δυνατός, και άγιον το όνομά αυτού. Έμεινε δε Μαριάμ σύν αυτή, ωσεί μήνας τρείς, και υπέστρεψεν εις τον οίκον αυτής.
Ο Χορός· Δόξα Σοι, Κύριε, Δόξα Σοι.
Δόξα Πατρί, και Υιώ, και αγίω Πνεύματι.
Ταις της Θεοτόκου, πρεσβείες, Ελεήμον, εξάλειψον τα πλήθη των εμών εγκλημάτων.
Και νύν, και αεί, και εις τους αιώνας των αιώνων. Αμήν.
Ταις της Παναχράντου πρεσβείαις, Ελεήμον, εξάλειψον τα πλήθη των εμών εγκλημάτων.
Στίχ. Ελεήμων ελέησόν με ο Θεός κατά το μέγα έλεός σου και κατά το πλήθος των οικτιρμών σου εξάλειψον το ανόμημά μου.
Ηχος πλ. β΄. Όλην αποθέμενοι…
Παναγία Ελευθερώτρια – Σκέπην και βοήθειαν, και αρραγή προστασίαν, και Ελευθερώτριαν, εν παντί τώ βίω σε, Κόρη έχοντες πολλαπλών θλίψεων, και ασθενημάτων, και σκανδάλων των του όφεως, και πάσης Δέσποινα, άλλης συμφοράς τε και μάστιγος, ταχέως εκλυτρούμεθα, τη σή αρωγή και χρηστότητι· όθεν μη ελλείπης, παρέχειν Σου την χάριν συμπαθώς, τοις προς την σήν αγαθότητα, Κόρη, ατενίζουσιν.
Ο Ιερεύς·
Σώσον ο Θεός τον λαόν σου, και ευλόγησον την κληρονομίαν σου· επίσκεψαι τον κόσμον σου εν ελέει και οικτιρμοίς· ύψωσον κέρας Χριστιανών ορθοδόξων, και κατάπεμψον εφ’ ημάς τα ελέη σου τα πλούσια, πρεσβείαις της παναχράντου Δεσποίνης ημών Θεοτόκου και αειπαρθένου Μαρίας· δυνάμει του τιμίου και ζωοποιού Σταυρού, προστασίαις των τιμίων επουρανίων Δυνάμεων ασωμάτων, ικεσίαις του τιμίου και ενδόξου Προφήτου Προδρόμου και Βαπτιστού Ιωάννου, των αγίων ενδόξων και πανευφήμων Αποστόλων· των εν αγίοις Πατέρων ημών, μεγάλων ιεραρχών και οικουμενικών Διδασκάλων, Βασιλείου του Μεγάλου, Γρηγορίου του Θεολόγου και Ιωάννου του Χρυσοστόμου· του εν αγίοις, Πατρός ημών Νικολάου αρχιεπισκόπου Μύρων της Λυκίας, του θαυματουργού· των αγίων ενδόξων και καλλινίκων Μαρτύρων, των οσίων και Θεοφόρων Πατέρων ημών· των αγίων και δικαίων Θεοπατόρων Ιωακείμ και Άννης· του αγίου (τού Ναού και της ημέρας), και πάντων σου των αγίων· ικετεύομέν σε, μόνε, Πολυέλεε Κύριε· επάκουσον ημπων των αμαρτωλών δεομένων σου και ελέησον ημάς.
Ο Χορός·
Κύριε, ελέησον· Κύριε, ελέησον· Κύριε, ελέησον. (ιβ΄)
Ο Ιερεύς·
Ελέει και οικτιρμοίς και φιλανθρωπία του μονογενούς σου Υιού μεθ’ ού ευλογητός εί, σύν τώ παναγίω και αγαθώ και ζωοποιώ σου Πνεύματι, νύν και αεί και εις τους αιώνας των αιώνων.
Ο Χορός· Αμήν.
Ωδή ζ΄. Οι εκ της Ιουδαίας.
Υπεραγία Θεοτόκε, σώσον ημάς.
Ρώσιν σώματος δίδου, και ψυχής θεραπείαν Ελευθερώτρια, τοις πίστει αδιστάκτω, τώ θείω σου τεμένει, προσιούσι και ψάλλουσιν· ο των Πατέρων ημών, Θεός ευλογητός εί.
Υπεραγία Θεοτόκε, σώσον ημάς.
Ηλιόμορφε Κόρη, η Θεόν σαρκωθέντα ημίν κυήσασα, φωτί των πρεσβειών σου, το σκότος των παθών μου, διασκέδασον δέομαι, ίνα υμνώ Σου αεί, τα θεία μεγαλεία.
Δόξα Πατρί, και Υιώ, και αγίω Πνεύματι.
Γαυριώντων ανθρώπων, καθ’ ημών επινοία τη του αλάστορος, βουλάς τας ολεθρίους, ματαίωσον Παρθένε, και εις εν ημάς σύναψον, τα αίσια εν Χριστώ, φρονούντας και τελούντας.
Και νύν, και αεί, και εις τους αιώνας των αιώνων.
Ελευθέρωσον πάσης, του εχθρού δυσβουλίας και επιθέσεως, ημάς τους εκ καρδίας, το θείον όνομά Σου, εις βοήθειαν κράζοντας, εν πάση ώρα Αγνή, και πάη ῥοπή βίου.
Ωδή η΄. Τον Βασιλέα.
Υπεραγία Θεοτόκε, σώσον ημάς.
Ρύσαί με Κόρη, των επελθόντων μοι πόνων, και εξάγαγε δεινής με δυσχερείας, της κατατρυχούσης, την ταπεινήν ψυχήν μου.
Υπεραγία Θεοτόκε, σώσον ημάς.
Αίγλη αΰλω, επισκοπής Σου της θείας, παραμύθησαι την θλίψιν της ψυχής μου, ίνα σε δοξάζω, Υπερδεδοξασμένη.
Δόξα Πατρί, και Υιώ, και αγίω Πνεύματι.
Σε σωτηρίαν, Ελευθερώτρια Κόρη, ως πλουτήσαντς εν τώ παρόντι βίω, τας της αρωγής σου, κηρύττομεν εκφάνσεις.
Και νύν, και αεί, και εις τους αιώνας των αιώνων.
Ίδε ευσπλάγχνως, Ελευθερώτρια Κόρη, τους προστρέχοντας τη θεία σου Εικόνι, και παράσχου πάσιν, αιτήσεων το πέρας.
Ωδή θ΄. Κυρίως Θεοτόκον.
Υπεραγία Θεοτόκε, σώσον ημάς.
Μεγάλων δωρημάτων, παρά σου τρυφώντες, Ελευθερώτρια Κόρη εκάστοτε, την προς ημάς Σου χρηστότητα μεγαλύνομεν.
Υπεραγία Θεοτόκε, σώσον ημάς.
Οι πόνοις και ανάγκαις, στένοντες αθλιως, τη χάριτί σου πιστώς καταφεύγουσιν, Ελευθερώτρια Κόρη και διασώζονται.
Δόξα Πατρί, και Υιώ, και αγίω Πνεύματι.
Υψίστου Θεού, Μήτερ, πάσης επηρείας, της του εχθρού μου ελεύθερον φύλαττε, Ελευθερώτρια Κόρη τον σε δοξάζοντα.
Και νύν, και αεί, και εις τους αιώνας των αιώνων.
Υμνούμεν της πολλής Σου, προς ημάς ευνοίας, Ελευθερώτρια Κόρη εκδήλωσιν, ότι ημάς περισκέπεις και σώζεις πάντοτε.
Παναγία Ελευθερώτρια – Παρακλητικός Κανών συνέχεια με τα Μεγαλυνάρια
Ο Ιερεύς·
Άξιόν εστιν ως αληθώς μακαρίζειν σε την Θεοτόκον την αειμακάριστον και παναμώμητον, και Μητέρα του Θεού ημών. Την τιμιωτέραν των Χερουβίμ, και ενδοξοτέραν ασυγκρίτως των Σεραφίμ, την αδιαφθόρως Θεόν Λόγον τεκούσαν, την όντως Θεοτόκον, σε μεγαλύνομεν.
Ο Χορός·
Την Παντοβασίλισσαν Μαριάμ, την ελευθερούσαν, από πάσης ημάς οργής, και προς βασιλείαν, εισάγουσαν την άνω, την μόνην Θεοτόκον ύμνοις τιμήσωμεν.
Τη επισκιάσει Σου τη σεπτή, όντως ωραιώθη, η Εικών Σου η θαυμαστή, και ελευθερίαν, δεινών αεί παρέχει, τοις ταύτη προσιούσιν Ελευθερώτρια.
Τους μαστιζομένους υπό παθών, και συνεχομένους, ασθενείας οδυνηραίς, Κόρη Παναγία, τη σή, επιστασία, ως Μήτηρ ευσπλαγχνίας, απελευθέρωσον.
Ελευθερωτρίας τη θαυμαστή, και σεπτή Εικόνι, καταφύγωμεν οι πιστοί, ίνα λυτρωθώμεν, των λυπηρών του βίου, και θείας πληρωθώμεν αγαλλιάσεως.
Άπαντας τους πίστει ειλικρινεί, προστρέχοντας Κόρη, τη θερμή Σου επισκοπή, αβλαβείς συντήρει, εκ πάσης επηρείας, ως ευσεβών Παρθένε Ελευθερώτρια.
Χαίρε των Αγγέλων η χαρμονή· χαίρε τεθλιμμένων, η γλυκεία αναψυχή· χαίρε αιχμαλώτων, η λύτρωσις Παρθένε, και των πασχόντων χαίρε Ελευθερώτρια.
Δεύτε Ορθοδόξων αι στρατιαί, άχραντον Παρθένον και Υπέρμαχον Στρατηγόν, υμνήσωμεν Μαρίαν την κεχαριτωμένην, και πάντων εν κινδύνοις Ελευθερώτριαν.
Την υψηλοτέραν των ουρανών, και καθαρωτέραν λαμπηδόνων ηλιακών, την λυτρωσαμένην ημάς εκ της κατάρας, την Δέσποιναν του κόσμου, ύμνοις τιμήσεωμν.
Από των πολλών μου αμαρτιών, ασθενεί το σώμα, ασθενεί μου και η ψυχή· προς σε καταφεύγω την Κεχαριτωμένην, ελπίς απηλπισμένων, σύ μοι βοήθησον.
Δέσποινα και Μήτηρ του Λυτρωτού, δέξαι παρακλήσεις αναξίων σών οικετών, ίνα μεσιτεύσης προς τον εκ του τεχθέντα· ώ Δέσποινα του κόσμου, γενού μεσίτρια.
Ψάλλομεν προθύμως σοί την ωδήν, νύν τη πανυμνήτω, Θεοτόκω χαρμονικώς· μετά του Προδρόμου και πάντων των αγίων, δυσώπει, Θεοτόκε, του οικτειρήσαι ημάς.
Άλαλα τα χείλη των ασεβών, των μη προσκυνούντων την Εικόνα σου την σεπτήν, την ιστορηθείσαν υπό του Αποστόλου, Λουκά ιερωτάτου, την Οδηγήτριαν.
Πάσαι των Αγγέλων αι στρατιαί, Πρόδρομε Κυρίου, Αποστόλων η δωδεκάς, οι Άγιοι πάντες μετά της Θεοτόκου, ποιήσατε πρεσβείαν, εις το σωθήναι ημάς.
Παναγία Ελευθερώτρια – Παρακλητικός Κανών – Ο Αναγνώστης·
Εις πολλά έτη
Άγιος ο Θεός, Άγιος Ισχυρός, Άγιος Αθάνατος, ελέησον ημάς. (Τρις).
Δόξα Πατρί, και Υιώ, και αγίω Πνεύματι, και νύν, και αεί, και εις τους αιώνας των αιώνων. Αμήν.
Παναγία Τριάς, ελέησον ημάς· Κύριε, ιλάσθητι ταις αμαρτίαις ημών. Δέσποτα, συγχώρησον τας ανομίας ημίν· Άγιε, επίσκεψαι και ίασαι τας ασθενείας ημών, ένεκεν του ονόματός σου.
Κύριε, ελέησον· Κύριε, ελέησον· Κύριε, ελέησον.
Δόξα Πατρί, και Υιώ, και αγίω Πνεύματι, και νύν, και αεί, και εις τους αιώνας των αιώνων. Αμήν.
Πάτερ ημών ο εν τοις ουρανοίς, αγιασθήτω το όνομά σου· ελθέτω η βασιλεία σου· γενηθήτω το θέλημά σου, ως εν ουρανώ, και επί της γής. Τον άρτον ημών τον επιούσιον δός ημίν σήμερον· και άφες ημίν τα οφειλήματα ημών, ως και ημείς αφίεμεν τοις οφειλέταις ημών· και μη εισενέγκης ημάς εις πειρασμόν, αλλά ῥύσαι ημάς από του πονηρού.
Ο Ιερεύς·
Ότι σου εστιν η βασιλεία και η δύναμις και η δόξα του Πατρός και του Υιού και του Αγίου Πνεύματος, νύν και αεί και εις τους αιώνας των αιώνων.
Ο Χορός· Αμήν.
Παναγία Ελευθερώτρια – Παρακλητικός Κανών συνέχεια με το Απολυτίκιον της ημέρας…
Ο Ιερεύς·
Εκτενής
Ελέησον ημάς, ο Θεός, κατά το μέγα έλεός σου, δεόμεθά σου, επάκουσον και ελέησον.
Έτι δεόμεθα υπέρ των ευσεβών και ορθοδόξων χριστιανών.
Έτι δεόμεθα υπέρ του Αρχιεπισκόπου ημών (δείνος) και πάσης της εν Χριστώ ημών αδελφότητος.
Έτι δεόμεθα υπέρ του ευσεβούς ημών έθνους, πάσης αρχής και εξουσίας εν τώ κράτει ημών και του φιλοχρίστου ημών στρατού.
Έτι δεόμεθα υπέρ του ιερού Προσκυνήματος τούτου, της πόλεως, της ενορίας, πάσης πόλεως και χώρας και των πίστει οικούντων εν αυταίς.
Έτι δεόμεθα υπέρ ελέους, ζωής, ειρήνης, υγείας, σωτηρίας, επισκέψεως, συγχωρήσεως και αφέσεως των αμαρτιών των δούλων του Θεού, πάντων των ευσεβών και ορθοδόξων χριστιανών των κατοικούντων και παρεπιδημούντων εν τη πόλει ταύτη, των ενοριτών, επιτρόπων, συνδρομητών και αφιερωτών της αγίας Εκκλησίας ταύτης.
Έτι δεόμεθα και υπέρ των αδελφών ημών των παρακολουθούντων την τέλεσιν της ιεράς παρακλήσεως ταύτης μετά των οικείων αυτών και των δι’ ευλόγους αιτίας απολειφθέντων αδελφών ημών. Υγείας βοηθείας υπέρ αυτών είπομεν.
Έτι δεόμεθα υπέρ των μακαρίων και αοιδίμων κτιτόρων της αγίας Εκκλησίας ταύτης και υπέρ πάντων των προαναπαυσαμένων πατέρων και αδελφών ημών, των ενθάδε ευσεβώς κειμένων και απανταχού, ορθοδόξων.
Έτι δεόμεθα υπέρ των καρποφορούντων και καλλιεργούντων εν τώ αγίω και πανσέπτω ναώ τούτω, κοπιώντων, ψαλλόντων και υπέρ του περιεστώτος λαού, του απεκδεχομένου το παρά σου μέγα και πλούσιον έλεος.
Έτι δεόμεθα και υπέρ των αδελφών ημών των εν ταις διακονίαις όντων και πάντων των διακονούντων και διακονησάντων εν τώ ιερώ Προσκυνήματι τούτω.
Έτι δεόμεθα υπέρ του διαφυλαχθήναι την αγίαν Εκκλησίαν ταύτην και πάσαν πόλιν και χώραν από λοιμού, λιμού, σεισμού, καταποντισμού, πυρός, μαχαίρας, επιδρομής αλλοφύλων, εμφυλίου πολέμου και αιφνιδίου θανάτου· υπέρ του ίλεων, ευμενή και ευδιάλλακτον γενέσθαι τον αγαθόν και φιλάνθρωπον Θεόν ημών, του αποστρέψαι και διασκεδάσαι πάσαν οργήν και νόσον την καθ’ ημών κινουμένην και ῥύσασθαι ημάς εκ της επικειμένης δικαίας αυτού απειλής και ελεήσαι ημάς.
Έτι δεόμεθα και υπέρ του εισακούσαι Κύριον τον Θεόν φωνής της δεήσεως ημών των αμαρτωλών και ελεήσαι ημάς.
Ο χορός μεθ’ εκάστην αίτησιν· Κύριε ελέησον (γ΄).
Ο Ιερεύς·
Επάκουσον ημών, ο Θεός, ο Σωτήρ ημών, η ελπίς πάντων των περάτων της γης και των εν θαλάσση μακράν, και ίλεως, ίλεως γενού ημίν, Δέσποτα, επί ταις αμαρτίαις ημών και ελέησον ημάς· ελεήμων γάρ και φιλάνθρωπος Θεός υπάρχεις και σοί την δόξαν αναπέμπομεν, τώ Πατρί και τώ Υιώ και τώ Αγίω Πνεύματι, νύν και αεί και εις τους αιώνας των αιώνων.
Ο χορός. Αμήν.
Ο Ιερεύς ευλογών· Ειρήνη πάσι.
Ο χορός· Και τώ πνεύματί σου.
Ο Ιερεύς· Τας κεφαλάς ημών τώ Κυρίω κλίνωμεν.
Ο χορός. Σοί Κύριε.
Απόλυσις
Ο Ιερεύς·
Δόξα σοι, Χριστέ ο Θεός, η ελπίς ημών, δόξα σοι.
Ο Αναγνώστης·
Δόξα, και νύν, Κύριε, ελέησον (γ΄), Πάτερ άγιε, ευλόγησον.
Χριστός ο αληθινός Θεός ημών, ταις πρεσβείαις της παναχράντου και παναμώμου αγίας αυτού Μητρός, της και Ελευθερωτρίας επονομαζομένης, των αγίων ενδόξων και πανευφήμων Αποστόλων, των οσίων και θεοφόρων πατέρων ημών, (τού αγίου της ημέρας), ού και την μνήμην επιτελούμεν και πάντων των Αγίων, ελεήσαι και σώσαι ημάς, ως αγαθός και φιλάνθρωπος και ελεήμων Θεός.
Ο χορός· …
Ήχος β΄. Ότε εκ του ξύλου.
Πάντας τους την θείαν και σεπτήν, κατασπαζομένους Εικόνα, την Σήν Πανύμνητε, ήνπερ ονομάζομεν Ελευθερώτριαν, πειρασμών ελευθέρωσον, και νόσων παντοίων, και πταισμάτων αίτησαι, ημίν την άφεσιν, ίνα μεγαλύνωμεν πάντες, τα σά μεγαλεία Παρθένε, και την προς ημάς κηδεμονίαν σου.
Πάντων προστατεύεις, Αγαθή, των καταφευγόντων εν πίστει τη κραταιά σου χειρί· άλλην γάρ ουκ έχομεν, αμαρτωλοί προς Θεόν, εν κινδύνοις και θλίψεσιν, αεί μεσιτείαν, οι κατακαμπτόμενοι υπό πταισμάτων πολλών. Μήτερ του Θεού του Υψίστου, όθεν σοί προσπίπτομεν· ρύσαι, πάσης περιστάσεως τους δούλους σου.
Όμοιον.
Πάντων θλιβομένων η χαρά, και αδικουμένων προστάτις, και πενομένων τροφή, ξένων τε παράκλησις, και βακτηρία τυφλών, ασθενούντων επίσκεψις, καταπονουμένων σκέπη και αντίληψις, και ορφανών βοηθός, Μήτερ του Θεού του Υψίστου, σύ υπάρχεις· Άχραντε, σπεύσον, δυσωπούμεν, ρύσασθαι τους δούλους σου.
Ήχος πλ. δ΄.
Δέσποινα, πρόσδεξαι τας δεήσεις των δούλων σου, και λύτρωσαι ημάς από πάσης ανάγκης και θλίψεως.
Ήχος β΄.
Την πάσαν ελπίδα μου, εις σε ανατίθημι, Μήτερ του Θεού, φύλαξόν με υπό την σκέπην σου.
Και αμέσως το Δι’ ευχών των αγίων Πατέρων ημών… Αμήν.
Παναγία Ελευθερώτρια – Παρακλητικός Κανών συνέχεια με το Απολυτίκιον της Παναγίας της Ελευθερωτρίας.
Ήχος α΄.
Εικόνα σου αγίαν, Ελευθερώτριαν Άχραντε, νύν πανευλαβώς προσκυνούντες, γεραίρομεν, Παρθένε· επέστη γάρ σκέπη προς ημάς, βραβεύουσα θαυμάτων προχοήν. Εκ παντοίων κινδύνων, και νόσων ημάς απαλλάττουσα ευχαρίστως βοώμεν. Δόξα τώ Σε δοξάσαντι Θεώ, δόξα τώ Σε μεγαλύναντι, δόξα τώ ελευθερώσαντι ημάς διά του τόκου σου.
Παναγία Ελευθερώτρια – Παρακλητικός Κανών τέλος με το Μεγαλυνάριον
Δέξαι μου τους ύμνους ώ Μαριάμ, και τους δακρυρῥόους στεναγμούς μου Μήτερ Αγνή, ώ Ελευθερώτρια Κόρη, εκ θλίψεως παντοίας Σύ ελευθέρωσον.
Αμήν.
Παναγία Ελευθερώτρια – Παρακλητικός Κανών Τέλος